Finding Face ឬ «ស្វែងរកមុខពិត» ជាខ្សែភាពយន្តឯកសារមួយដែលកំពុងមានការចាប់អារម្មណ៍ពីសំណាក់ទស្សនិកជនអាមេរិកាំង និងខ្មែរជាច្រើន ក្នុងសហរដ្ឋអាមេរិក រួមទាំងក្រុមហ៊ុនផលិតខ្សែភាពយន្តដ៏ល្បីនៃ Hollywood មួយចំនួនផងដែរ បន្ទាប់ពីពួកគេបានទស្សនានូវភាពរន្ធត់ដ៏រំជួលចិត្ត និងបានយល់ដឹងអំពីឧក្រិដ្ឋកម្មដ៏ធ្ងន់ធ្ងររបស់លោកស្រី ឃួន សុផល ភរិយារបស់លោក ស្វាយ ស៊ីថា មន្ត្រីជាន់ខ្ពស់នៃរដ្ឋាភិបាលកម្ពុជា ដែលបានជះទឹកអាស៊ីស្រោចស្រពលើរាងកាយរបស់អ្នកស្រី តាត ម៉ារីណា កាលពីឆ្នាំ១៩៩៩។
អ្នកនិពន្ធ និងអ្នកដឹកនាំខ្សែភាពយន្ត Finding Face លោក Skye Fitzgerald មានប្រសាសន៍ថា លោកគ្រោងច្នៃខ្សែភាពយន្តឯកសារមួយនេះឲ្យទៅជារឿងវិញ ដែលមានការដើរតួសម្ដែងដោយតារាភាពយន្តខ្មែរ។ លោកបន្តថា ក្រុមហ៊ុនរបស់ Hollywood មួយឈ្មោះ Participant Media និងឧបត្ថម្ភថវិកាប្រមាណ ១លានដុល្លារសហរដ្ឋអាមេរិក ក្នុងការផលិតរឿងរ៉ាវដែលទាក់ទងនឹងការវាយប្រហារដោយទឹកអាស៊ីដ ពីសំណាក់ប្រព័ន្ធរបស់មន្ត្រីរដ្ឋាភិបាលជាន់ខ្ពស់ខ្មែររូបនេះ ៖ «យើងអាចចំណាយប្រមាណមួយលានដុល្លារ ដើម្បីថតរឿងនេះឲ្យបានចប់សប់គ្រប់។ ប៉ុន្តែប្រាក់ទាំងនេះវាអាស្រ័យទៅតាមទីតាំងដែរ។ ដូចអ្នកបានជ្រាបស្រាប់ហើយថា ប្រាក់ទាំងនេះមិនច្រើននោះឡើយ បើតាមស្តង់ដាររបស់ក្រុមហ៊ុន Hollywood។ យើងអាចផលិតរឿងមួយបានក្នុងទឹកប្រាក់ប៉ុណ្ណឹង ទាល់តែយើងត្រូវមានការប្រុងប្រយ័ត្នខ្ពស់។ ទឹកប្រាក់ប្រមាណពី ១លាន ទៅ២លានដុល្លារ យើងអាចផលិតរឿងនេះបានយ៉ាងល្អ ហើយវាក៏មិនមែនជាភាពប្រថុយប្រថានរបស់ក្រុមហ៊ុន Hollywood សម្រាប់គម្រោងដ៏តូចនេះដែរ។»
លោក Skye Fitzgerald មានប្រសាសន៍បន្តថា លោកគ្រោងចាប់ផ្ដើមថតរឿងនេះនៅឆ្នាំក្រោយក្នុងប្រទេសកម្ពុជា ប៉ុន្តែលោកនៅមិនទាន់ដឹងនៅឡើយទេថា តើការថតអំពីរឿងនេះជាចំណុចរសើបរបស់រដ្ឋាភិបាលកម្ពុជាដែរ ឬយ៉ាងណា។ លោកថ្លែងថា ប្រសិនបើរដ្ឋាភិបាលកម្ពុជាមិនអនុញ្ញាតឲ្យថតនោះ លោកអាចធ្វើការថតរឿងនេះនៅប្រទេសផ្សេងដែលមានទិដ្ឋភាពស្រដៀងកម្ពុជា ៖ «រឿងនោះយើងថតនៅលើផ្លូវសាធារណៈ វាជាទីតាំងមួយដែលលំបាកថតមែនទែន ហើយខ្ញុំនៅមិនទាន់មានជំនឿទេថា រដ្ឋាភិបាលអាចអនុញ្ញាតឲ្យយើងចុះថតរឿងនេះក្នុងប្រទេសកម្ពុជា។ ហើយប្រសិនបើរដ្ឋាភិបាលមិនអនុញ្ញាតឲ្យយើងថតប្រធានបទនៃរឿងនេះទេនោះ យើងប្រហែលជាអាចដូរទៅថតនៅប្រទេសថៃ ប្រទេសសិង្ហបុរី ឬប្រទេសមួយចំនួននៅក្នុងតំបន់នោះជំនួសវិញ។»
លោក Skye មានប្រសាសន៍ថា កិច្ចខិតខំប្រឹងប្រែងពុះពារផ្សព្វផ្សាយ និងថតរឿងរបស់អ្នកស្រី តាត ម៉ារីណា នេះ គឺដោយសារលោកចង់ឃើញជនដៃដល់ដែលបានប្រព្រឹត្តិបទឧក្រិដ្ឋជះទឹកអាស៊ីដនេះ ត្រូវនាំខ្លួនយកទៅផ្ដន្ទាទោសតាមផ្លូវច្បាប់ ដើម្បីកាត់បន្ថយអំពើនិទ្ទណ្ឌភាពដែលកំពុងរីករាលដាលនៅកម្ពុជា ៖ «ក្ដីសង្ឃឹមរបស់ខ្ញុំនោះ គឺថាជនដៃដល់ដែលបានធ្វើបាប ម៉ារីណា នឹងមិនអាចរស់នៅដោយមានសេរីភាព ហើយគេចផុតពីសំណាញ់ច្បាប់បានឡើយ។ ជនទាំងនោះត្រូវតែសងការឈឺចាប់នូវទង្វើយ៉ាងអាក្រក់ជាទីបំផុត ដែលពួកគេបានធ្វើ។ ក្ដីសង្ឃឹមរបស់ខ្ញុំគឺថា ជនល្មើសទាំងនោះនឹងត្រូវផ្ដន្ទាទោសតាមផ្លូវច្បាប់នៅថ្ងៃណាមួយជាក់ជាមិនខាន។ ខ្ញុំសង្ឃឹមថា យុត្តិធម៌នឹងអាចមានក្នុងជាតិនេះ ឬមិនអាចមានទៅបាននោះ ប៉ុន្តែទោះជាយ៉ាងណាក៏ដោយ ខ្ញុំនឹងធ្វើអ្វីៗទៅតាមលទ្ធភាពដែលខ្ញុំអាចធ្វើទៅបាន ដើម្បីឲ្យច្បាស់ថា យុត្តិធម៌នឹងមានសម្រាប់ តាត ម៉ារីណា។ មានន័យថា ខ្ញុំនឹងបន្តការផលិតខ្សែភាពយន្តពីមួយទៅមួយ រហូតដល់ខ្ញុំចាស់សក់ស្កូវ ដើម្បីរកយុត្តិធម៌ឲ្យនាង។»
កាលពីមានវ័យអាយុ១៦ឆ្នាំ ជាតារាសម្ដែងខារ៉ាអូខេ កញ្ញា តាត ម៉ារីណា នៅថ្ងៃទី៥ ខែវិច្ឆិកា ឆ្នាំ១៩៩៩ បានរងការបំផ្លាញរូបសម្ផស្សទាំងស្រុងដោយការវាយប្រហារទឹកអាស៊ីដ ពីសំណាក់ឧក្រិដ្ឋជនមួយក្រុម ដឹកនាំដោយលោកស្រី ឃួន សុផល ភរិយារបស់លោក ស្វាយ ស៊ីថា រដ្ឋលេខាធិការនៃទីស្ដីការគណរដ្ឋមន្ត្រី។ នៅដើមឆ្នាំ២០០០ តុលាការក្រុងភ្នំពេញបានចេញដីកាបញ្ជាចាប់ខ្លួនលោកស្រី ឃួន សុផល ប៉ុន្តែដោយសារលោកស្រីជាភរិយារបស់មន្ត្រីរដ្ឋាភិបាលដ៏មានអំណាច ទើបរហូតមកទល់ពេលនេះគេឃើញលោកស្រី ឃួន សុផល កំពុងរស់នៅយ៉ាងមានសេរីភាព។
បច្ចុប្បន្នជនរងគ្រោះ តាត ម៉ារីណា ដែលកំពុងរស់នៅក្នុងសហរដ្ឋអាមេរិក ហើយបានរៀបការ និងមានកូន ២នាក់ហើយនោះ នៅមានការភ័យខ្លាចនៅឡើយ អំពីសុវត្ថិភាពរបស់អ្នកស្រី។ អ្នកស្រីថ្លែងថា អ្នកស្រីមានក្តីរំភើបក្រៃលែងដែលក្រុមហ៊ុន Hollywood ចាប់អារម្មណ៍ និងជួយថតរឿងអំពីជីវិតពិតរបស់ស្រី។ អ្នកស្រីមានក្តីត្រេកអរយ៉ាងខ្លាំងចំពោះការចាប់អារម្មណ៍របស់សហគមន៍អន្តរជាតិទៅលើករណីរបស់អ្នកស្រី ហើយសង្ឃឹមថា លទ្ធផលចេញពីខ្សែភាពយន្តនេះ នឹងអាចជាពន្លឺមួយ ដើម្បីរកយុត្តិធម៌ពិតប្រាកដដល់អ្នកស្រី និងជនរងគ្រោះដទៃទៀត ដែលរងការឈឺចាប់ពីសំណាក់អ្នកមានអំណាច ៖ «ខ្ញុំនឹងសង្ឃឹមថា ថ្ងៃក្រោយតុលាការអាចរកយុត្តិធម៌ឲ្យខ្ញុំបាន ហើយសំខាន់បំផុត យ៉ាងហោចណាស់ក៏យើងអាចបានទទួលយុត្តិធម៌ ហើយយ៉ាងហោចណាស់ក៏ជាការព្រមានដល់អ្នកចង់ប្រព្រឹត្តអំពើហិង្សានៃការប្រើទឹកអាស៊ីដទៅលើអ្នកដទៃៗទៀត។ ហើយយ៉ាងហោចណាស់ក៏គេគិតអំពីច្បាប់នោះដែរ។ ស្រុកខ្មែរឥឡូវឮសូរថាគេមានច្បាប់ មានទម្លាប់ល្អដែរ។ ហើយខ្ញុំសង្ឃឹមថា រឿងនេះអាចរកយុត្តិធម៌ដល់រូបខ្ញុំ ព្រមទាំងជនរងគ្រោះដទៃៗទៀត។»
ជុំវិញការលើកឡើងរបស់ជនរងគ្រោះពីការជះទឹកអាស៊ីដ និងអ្នកដឹកនាំខ្សែភាពយន្ត Finding Face ឬ ស្វែងរកមុខពិត ថាជនដៃដល់ក្នុងករណីឧក្រិដ្ឋកម្មនេះ មិនទាន់ត្រូវបានផ្ដន្ទាទោសតាមផ្លូវច្បាប់នៅឡើយនោះ មន្ត្រីនៃអង្គភាពប្រតិកម្មរហ័សរបស់រដ្ឋាភិបាល លោក ទិត្យ សុធា បានបញ្ជាក់ថា តុលាការកម្ពុជាបានបិទបញ្ចប់ករណីនេះហើយ ៖ «ការផលិតខ្សែភាពយន្តណាមួយទាក់ទងទៅនឹងរឿង តាត ម៉ារីណា នេះ គួរគប្បីអ្នកនិពន្ធយល់ច្បាស់អំពីដំណើរការនៃការអនុវត្តច្បាប់ ជាពិសេសអ្នកដែលប្រព្រឹត្តបទល្មើសហ្នឹង គឺត្រូវបានតុលាការផ្ដន្ទាទោសរួចទៅហើយ។ ហើយតុលាការគេបានចាត់ការទៅតាមនីតិវិធី និងដំណើរការត្រឹមត្រូវហើយ អ្នកដែលប្រព្រឹត្តបទល្មើសក៏បានទទួលនូវទោសទណ្ឌនេះផងដែរ។ ហើយរហូតមកទល់ពេលនេះ គឺរឿងនេះបានបញ្ចប់សព្វគ្រប់រួចបាត់ទៅហើយ។ នេះគឺជាការលើកឡើងនៃរឿងដែលរលត់ផុតទៅហើយបាទ។»
ទោះបីជាមានការអះអាងរបស់លោក ទិត្យ សុធា យ៉ាងដូច្នេះក្ដី ក្រុមសង្គមស៊ីវិលបដិសេធថា គេមិនដែលឃើញតុលាការ និងសមត្ថកិច្ចពាក់ព័ន្ធចាត់វិធានការឲ្យបានហ្មត់ចត់លើសំណុំរឿងនេះ ដើម្បីនាំខ្លួនឧក្រិដ្ឋជនទាំងនោះមកផ្ដន្ទាទោសនៅឡើយទេ។
មន្ត្រីស៊ើបអង្កេតជាន់ខ្ពស់របស់អង្គការការពារសិទ្ធិមនុស្ស Licadho លោក អំ សំអាត មានប្រសាសន៍ថា ករណីនេះនៅមិនទាន់អាចបញ្ចប់បាននៅឡើយទេ លុះត្រាតុលាការពិតជាបានជំនុំជម្រះទោសជនដៃដល់ទៅតាមផ្លូវច្បាប់ជាសាធារណៈ ៖ «ករណីនេះយើងគិតទៅរយៈពេលជាង ១០ឆ្នាំហើយ ដែលជនល្មើសមិនទាន់ត្រូវបានយកទៅផ្ដន្ទាទោសទៅតាមផ្លូវច្បាប់នៅឡើយទេ។ អ៊ីចឹងករណីនេះមិនអាចធ្វើការបិទបានទេ បើសិនជាបិទបានលុះត្រាតែតុលាការធ្វើការផ្ដន្ទាទោសជនល្មើស ហើយជនល្មើសត្រូវបានចាប់ខ្លួនយកទៅដាក់ពន្ធនាគារទៅតាមអំណាចសាលក្រមរបស់តុលាការ។ ប៉ុន្តែរហូតមកទល់ពេលនេះយើងមិនទាន់ឃើញភាពជឿនលឿនណាមួយដើម្បីស្វែងរកជនល្មើសនៅក្នុងរឿងហ្នឹងយកទៅផ្ដន្ទាទោសនៅឡើយទេ ទោះបីជាពីមុនមកយើងដឹងថាមានដីកាចាប់ខ្លួន ប៉ុន្តែគ្មានការចាប់ខ្លួនជនជាប់ពាក់ព័ន្ធក្នុងរឿងហ្នឹងយកទៅដាក់ពន្ធនាគារទេ បាទ។»
ចំណែកលោក ចាន់ សូវេត មន្ត្រីផ្នែកស៊ើបអង្កេតរបស់សមាគមការពារសិទ្ធិមនុស្ស Adhoc មានប្រសាសន៍ថា ក្រៅពីករណីជះទឹកអាស៊ីដលើអ្នកស្រី តាត ម៉ារីណា ក៏មានជនសង្ស័យដែលប្រព្រឹត្តបទឧក្រិដ្ឋធ្ងន់ធ្ងរជាច្រើននាក់ផ្សេងទៀត នៅមិនទាន់បានផ្ដន្ទាទោសទៅតាមច្បាប់នៅឡើយ ៖ «ករណីដែលមិនបានផ្ដន្ទាទោសជនល្មើសហ្នឹង មានច្រើនណាស់។ កាលពីករណីរបស់កញ្ញា តាត ម៉ារីណា នេះ ហើយជាក់ស្ដែងខ្ញុំឃើញថារាជរដ្ឋាភិបាល និងប្រព័ន្ធតុលាការយើងនេះ លោកបានចាត់វិធានការគ្រប់គ្រាន់អស់ហើយ តែការអនុវត្តវាអត់ចេញ។ ធ្វើទៅវាអត់ទាន់រួច ឃើញចេញតែលិខិតហ្នឹងក៏ពិតមែនយើងទទួលស្គាល់ អាលិខិតដីកាស្អីៗ យើងឃើញមានមែន ប៉ុន្តែជនល្មើសដៃដល់នោះវាចាប់អត់ទាន់បាន។»
ក្រៅពីបទឧក្រិដ្ឋជះទឹកអាស៊ីដចំណុះប្រាំលីត្រមកលើអ្នកស្រី តាត ម៉ារីណា តារាខារ៉ាអូខេ កាលពីថ្ងៃទី៥ ខែវិច្ឆិកា ឆ្នាំ១៩៩៩ ក៏មានករណីឃាតកម្មផ្សេងទៀតដែរ ទៅលើតារាចម្រៀង និងតារាភាពយន្តខ្មែរមួយចំនួន ដូចជាករណីឃាតកម្មបាញ់ប្រហារតារាភាពយន្ត អ្នកស្រី ពិសិទ្ធិ ពីលិការ កាលពីថ្ងៃទី៦ ខែកក្កដា ឆ្នាំ១៩៩៩។ ការបាញ់ប្រហារទៅលើតារាចម្រៀង កញ្ញា ទូច ស្រីនិច កាលពីថ្ងៃទី២១ ខែតុលា ឆ្នាំ២០០៣ និងការបាញ់ប្រហារទៅលើតារាចម្រៀងម្នាក់ទៀតឈ្មោះកញ្ញា ពៅ បញ្ញាពេជ្រ កាលពីថ្ងៃទី២៣ ខែកុម្ភៈ ឆ្នាំ២០០៧។ ហើយរហូតមកទល់ពេលនេះ ជនល្មើសដែលបានប្រព្រឹត្តបទឧក្រិដ្ឋដ៏ធ្ងន់ធ្ងរទាំងនោះ គេនៅមិនទាន់អាជ្ញាធរមានសមត្ថកិច្ចកម្ពុជាអាចចាប់ជនដៃដល់ និងបក្សពួកយកមកផ្ដន្ទាទោសតាមផ្លូវច្បាប់ឡើយ។
អ្នកដឹកនាំខ្សែភាពយន្តឯកសារ Finding Face លោក Skye Fitzgerald ថ្លែងបញ្ជាក់ថា លោកចង់ឃើញនិទ្ទណ្ឌភាព ឬការមិនផ្ដន្ទាទោសជនល្មើសនៅកម្ពុជាមានការលប់បំបាត់ ហើយជនរងគ្រោះត្រូវតែទទួលបានយុត្តិធម៌ពិតប្រាកដ៕
វិទ្យុអាស៊ីសេរី
Sunday, June 26, 2011
Tuesday, May 3, 2011
ខ្មែរជិតដាច់ពូជ
ដោយ ហាស់ សាន
2011-04-20
បញ្ញវន្តខ្មែរមួយចំនួនរស់នៅបស្ចិមប្រទេសបានស្រាវជ្រាវឃើញ និងសរសេរថា ខ្មែរជាប្រជាជាតិមួយជិតដាច់ពូជ ឬផុតពូជទៅហើយ។
ពួកគេសំអាងលើកត្តាជាក់ស្ដែងមួយចំនួន ប៉ុន្តែពុំមាននរណាហ៊ាននិយាយចំៗ ដោយសារមូលហេតុផ្សេងៗ សម្រាប់ខ្លួនគេផ្ទាល់។
តើបញ្ញវន្តខ្មែរ សញ្ជាតិ និងជាពលរដ្ឋអាមេរិកាំងសំអាងលើកត្តាអ្វីខ្លះ? ពីរដ្ឋធានីវ៉ាស៊ីនតោន លោក ហាស់ សាន មានសេចក្ដីរាយការណ៍សង្ខេបមួយ ទាក់ទិនអត្ថបទរបស់បណ្ឌិត អតីតសាស្ត្រាចារ្យនៅសកលវិទ្យាល័យមួយនៅ ស.រ.អា. ដែលនឹងបង្ហាញជូនកិច្ចប្រជុំនៅប្រទេសបារាំងក្នុងខែក្រោយនេះ។
អ្វីដែលអតីតសាស្ត្រាចារ្យផ្នែកសេដ្ឋកិច្ច បណ្ឌិត ទិត ណារញ្ញគិរី សរសេរសម្រាប់ធ្វើបាឋកថានៅប្រទេសបារាំង នាខែឧសភា ឆ្នាំ២០១១ នេះ ប្រហែលជាមានពលរដ្ឋខ្មែរខ្លះគិតថា លោកសរសេរនោះ ហាក់ដូចជាមិនស្គាល់ស្រុកខ្មែរច្បាស់នោះឡើយ ឬមួយជាការសរសេរប្រមាថមើលងាយដល់ជាតិសាសន៍របស់ខ្លួន។ ការសរសេរឆ្លុះបញ្ចាំងក្នុងនាមលោកជាខ្មែរ សិក្សា និងរស់នៅបរទេស បង្ហាញនូវការបារម្ភរបស់លោកចំពោះអនាគតប្រជាជាតិខ្មែរ ក្នុងនាមជាជាតិសាសន៍មួយ ដែលចាញ់ប្រៀបបរទេសជិតខាងគ្រប់សម័យកាល។ បណ្ឌិត ទិត ណារញ្ញគិរី ធ្លាប់បង្រៀននៅសកលវិទ្យាល័យ Johns Hopkins និងធ្លាប់បម្រើការងារនៅមូលនិធិរូបិយវត្ថុអន្តរជាតិ IMF ក្នុងរដ្ឋធានីវ៉ាស៊ីនតោន ស.រ.អា.។
មិនស្គាល់យុទ្ធសាស្ត្រវៀតណាម និងសម្បូរបញ្ហាផ្ទៃក្នុង
បណ្ឌិត ទិត ណារញ្ញគិរី (Naranhkiri Tith) បានលើកហេតុផលមួយចំនួន ដែលធ្វើកម្ពុជារស់នៅក្រោមឥទ្ធិពលប្រទេសវៀតណាមដោយចៀសមិនរួច មានដូចជា ខ្មែរមើលយុទ្ធសាស្ត្រវៀតណាមមិនយល់ជម្រៅ, វៀតណាមមានរបៀបរបប មានវិន័យ ចេះរៀបចំអង្គការគ្រប់គ្រង ហើយមើលឆ្ងាយទៅមុខ យូរអង្វែង ជាដើម។ រីឯខ្មែរវិញ សំបូរបច្ចាមិត្តផ្ទៃក្នុង, សង្គមទន់ខ្សោយ ហើយមិនចេះឆ្លើយតបទៅនឹងព្រឹត្តិការណ៍ទាន់ពេលវេលា។
ក្រៅពីនេះ លោកថា មានកត្តាព្រះមហាក្សត្រ ដែលមានតួនាទីធ្ងន់ធ្ងរ និងគ្រោះថ្នាក់ឲ្យសង្គមមួយផ្ដាច់ការ, គ្មានការទទួលខុសត្រូវ, អសីលធម៌, មិនខ្វល់នឹងអ្នកដទៃ ហើយមានលក្ខណៈដឹកនាំ ដែលគិតតែប្រយោជន៍ខ្លួនឯង។ របៀបគ្រប់គ្រងរដ្ឋបាលខ្មែរ សម្បូរដោយអ្នកធំនៅខាងលើ តែខ្សត់អ្នកតូចនៅខាងក្រោម។ ច្បាប់រកយុត្តិធម៌ចែងមិនច្បាស់ អ្នកធំថាយ៉ាងណាក៏បាន ដរាបណាមិនប្រមាថស្ដេច។ ព្រំដែនជាមួយប្រទេសជិតខាង ខ្មែរមិនដែលចែងច្បាស់ទេ។ ការដំឡើងបុណ្យសក្ដិមិនយោងទៅតាមសមត្ថភាព ចំណេះដឹងរបស់មនុស្សទេ តែធ្វើតាមវង្សត្រកូល សែស្រឡាយ បក្សពួក និងការបញ្ចើចបញ្ចើ បញ្ជោរ សរសើរគ្នា ឲ្យអ្នកធំចាប់អារម្មណ៍។ លក្ខណៈទាំងអស់នេះ វៀតណាមអនុវត្តខុសពីខ្មែរទាំងស្រុង។
កាចសហាវ មិនជឿនលឿន
បណ្ឌិត ទិត ណារញ្ញគិរី បានស្រង់សំដីអ្នកនិពន្ធវៀតណាម ដូចជា ង្វៀង ធេ អាន់ (Nguyen The Anh) ដែលគេចាត់ទុកខ្មែរ ជាជាតិសាសន៍មិនជឿនលឿន កាចសហាវ (barbarians) បញ្ញវន្តចិនឈ្មោះ យ៉ាង បាវយុន (Yang Bao Yun) និង អ្នកនិពន្ធបារាំង Jean de la Croix ចិនហៅថា ជោអាវ ដាគ្រុស (Joao da Cruz) ដែលគេសរសេរអំពីដំណើរពង្រីកទឹកដីនៃអធិរាជអាណាម ឈ្មោះ ង្វៀង (Nguyen) តាំងពីឆ្នាំ១៦៧០ មកម្ល៉េះ ដែលគេឃើញអាណាចក្រចម្ប៉ារងគ្រោះមុនគេ។ ការបាត់បង់អធិបតេយ្យភាពជាតិ ក្នុងសតវត្សក្រោយៗមក បណ្ឌិត ទិត ណារញ្ញគិរី បានលើកឧទាហរណ៍មួយចំនួន ដែលលោកមើលឃើញថា កម្ពុជាស្ថិតក្រោមការញាក់ខ្សែមិនចេញមុខពីចក្រពត្តិនិយម និងកុម្មុយនិស្តនិយមវៀតណាម ដោយសារការគាំទ្រពីអតីតព្រះមហាវីរក្សត្រ នរោត្តម សីហនុ និងលោកនាយករដ្ឋមន្ត្រី ហ៊ុន សែន ទី១ សម្ពន្ធភាពដ៏ជិតស្និទ្ធរវាងអតីតព្រះរាជា និងវៀតណាមខាងជើង, ទី២ សម្ពន្ធភាពជិតស្និទ្ធរវាងព្រះអង្គនឹងខ្មែរក្រហម ហើយនិងសម្ពន្ធភាពជិតស្និទ្ធរវាងព្រះអង្គនឹងលោក ហ៊ុន សែន។
បណ្ឌិត ទិត ណារញ្ញគិរី សន្និដ្ឋានថា ចាប់តាំងពីថ្ងៃវៀតណាមវាយលុកចូលកាន់កាប់កម្ពុជា ដើម្បីរំលំរបបខ្មែរក្រហម រដ្ឋការក្រុងហាណូយបានព្យាយាមគ្រប់រូបភាព ដើម្បីអនុវត្តគោលការណ៍នយោបាយ ដែលអង់គ្លេសហៅថា ethnicide ឬ ethnocide ដែលមានន័យថា ការសម្លាប់ជាតិសាសន៍មួយដោយរំលាយវប្បធម៌៕
2011-04-20
បញ្ញវន្តខ្មែរមួយចំនួនរស់នៅបស្ចិមប្រទេសបានស្រាវជ្រាវឃើញ និងសរសេរថា ខ្មែរជាប្រជាជាតិមួយជិតដាច់ពូជ ឬផុតពូជទៅហើយ។
ពួកគេសំអាងលើកត្តាជាក់ស្ដែងមួយចំនួន ប៉ុន្តែពុំមាននរណាហ៊ាននិយាយចំៗ ដោយសារមូលហេតុផ្សេងៗ សម្រាប់ខ្លួនគេផ្ទាល់។
តើបញ្ញវន្តខ្មែរ សញ្ជាតិ និងជាពលរដ្ឋអាមេរិកាំងសំអាងលើកត្តាអ្វីខ្លះ? ពីរដ្ឋធានីវ៉ាស៊ីនតោន លោក ហាស់ សាន មានសេចក្ដីរាយការណ៍សង្ខេបមួយ ទាក់ទិនអត្ថបទរបស់បណ្ឌិត អតីតសាស្ត្រាចារ្យនៅសកលវិទ្យាល័យមួយនៅ ស.រ.អា. ដែលនឹងបង្ហាញជូនកិច្ចប្រជុំនៅប្រទេសបារាំងក្នុងខែក្រោយនេះ។
អ្វីដែលអតីតសាស្ត្រាចារ្យផ្នែកសេដ្ឋកិច្ច បណ្ឌិត ទិត ណារញ្ញគិរី សរសេរសម្រាប់ធ្វើបាឋកថានៅប្រទេសបារាំង នាខែឧសភា ឆ្នាំ២០១១ នេះ ប្រហែលជាមានពលរដ្ឋខ្មែរខ្លះគិតថា លោកសរសេរនោះ ហាក់ដូចជាមិនស្គាល់ស្រុកខ្មែរច្បាស់នោះឡើយ ឬមួយជាការសរសេរប្រមាថមើលងាយដល់ជាតិសាសន៍របស់ខ្លួន។ ការសរសេរឆ្លុះបញ្ចាំងក្នុងនាមលោកជាខ្មែរ សិក្សា និងរស់នៅបរទេស បង្ហាញនូវការបារម្ភរបស់លោកចំពោះអនាគតប្រជាជាតិខ្មែរ ក្នុងនាមជាជាតិសាសន៍មួយ ដែលចាញ់ប្រៀបបរទេសជិតខាងគ្រប់សម័យកាល។ បណ្ឌិត ទិត ណារញ្ញគិរី ធ្លាប់បង្រៀននៅសកលវិទ្យាល័យ Johns Hopkins និងធ្លាប់បម្រើការងារនៅមូលនិធិរូបិយវត្ថុអន្តរជាតិ IMF ក្នុងរដ្ឋធានីវ៉ាស៊ីនតោន ស.រ.អា.។
មិនស្គាល់យុទ្ធសាស្ត្រវៀតណាម និងសម្បូរបញ្ហាផ្ទៃក្នុង
បណ្ឌិត ទិត ណារញ្ញគិរី (Naranhkiri Tith) បានលើកហេតុផលមួយចំនួន ដែលធ្វើកម្ពុជារស់នៅក្រោមឥទ្ធិពលប្រទេសវៀតណាមដោយចៀសមិនរួច មានដូចជា ខ្មែរមើលយុទ្ធសាស្ត្រវៀតណាមមិនយល់ជម្រៅ, វៀតណាមមានរបៀបរបប មានវិន័យ ចេះរៀបចំអង្គការគ្រប់គ្រង ហើយមើលឆ្ងាយទៅមុខ យូរអង្វែង ជាដើម។ រីឯខ្មែរវិញ សំបូរបច្ចាមិត្តផ្ទៃក្នុង, សង្គមទន់ខ្សោយ ហើយមិនចេះឆ្លើយតបទៅនឹងព្រឹត្តិការណ៍ទាន់ពេលវេលា។
ក្រៅពីនេះ លោកថា មានកត្តាព្រះមហាក្សត្រ ដែលមានតួនាទីធ្ងន់ធ្ងរ និងគ្រោះថ្នាក់ឲ្យសង្គមមួយផ្ដាច់ការ, គ្មានការទទួលខុសត្រូវ, អសីលធម៌, មិនខ្វល់នឹងអ្នកដទៃ ហើយមានលក្ខណៈដឹកនាំ ដែលគិតតែប្រយោជន៍ខ្លួនឯង។ របៀបគ្រប់គ្រងរដ្ឋបាលខ្មែរ សម្បូរដោយអ្នកធំនៅខាងលើ តែខ្សត់អ្នកតូចនៅខាងក្រោម។ ច្បាប់រកយុត្តិធម៌ចែងមិនច្បាស់ អ្នកធំថាយ៉ាងណាក៏បាន ដរាបណាមិនប្រមាថស្ដេច។ ព្រំដែនជាមួយប្រទេសជិតខាង ខ្មែរមិនដែលចែងច្បាស់ទេ។ ការដំឡើងបុណ្យសក្ដិមិនយោងទៅតាមសមត្ថភាព ចំណេះដឹងរបស់មនុស្សទេ តែធ្វើតាមវង្សត្រកូល សែស្រឡាយ បក្សពួក និងការបញ្ចើចបញ្ចើ បញ្ជោរ សរសើរគ្នា ឲ្យអ្នកធំចាប់អារម្មណ៍។ លក្ខណៈទាំងអស់នេះ វៀតណាមអនុវត្តខុសពីខ្មែរទាំងស្រុង។
កាចសហាវ មិនជឿនលឿន
បណ្ឌិត ទិត ណារញ្ញគិរី បានស្រង់សំដីអ្នកនិពន្ធវៀតណាម ដូចជា ង្វៀង ធេ អាន់ (Nguyen The Anh) ដែលគេចាត់ទុកខ្មែរ ជាជាតិសាសន៍មិនជឿនលឿន កាចសហាវ (barbarians) បញ្ញវន្តចិនឈ្មោះ យ៉ាង បាវយុន (Yang Bao Yun) និង អ្នកនិពន្ធបារាំង Jean de la Croix ចិនហៅថា ជោអាវ ដាគ្រុស (Joao da Cruz) ដែលគេសរសេរអំពីដំណើរពង្រីកទឹកដីនៃអធិរាជអាណាម ឈ្មោះ ង្វៀង (Nguyen) តាំងពីឆ្នាំ១៦៧០ មកម្ល៉េះ ដែលគេឃើញអាណាចក្រចម្ប៉ារងគ្រោះមុនគេ។ ការបាត់បង់អធិបតេយ្យភាពជាតិ ក្នុងសតវត្សក្រោយៗមក បណ្ឌិត ទិត ណារញ្ញគិរី បានលើកឧទាហរណ៍មួយចំនួន ដែលលោកមើលឃើញថា កម្ពុជាស្ថិតក្រោមការញាក់ខ្សែមិនចេញមុខពីចក្រពត្តិនិយម និងកុម្មុយនិស្តនិយមវៀតណាម ដោយសារការគាំទ្រពីអតីតព្រះមហាវីរក្សត្រ នរោត្តម សីហនុ និងលោកនាយករដ្ឋមន្ត្រី ហ៊ុន សែន ទី១ សម្ពន្ធភាពដ៏ជិតស្និទ្ធរវាងអតីតព្រះរាជា និងវៀតណាមខាងជើង, ទី២ សម្ពន្ធភាពជិតស្និទ្ធរវាងព្រះអង្គនឹងខ្មែរក្រហម ហើយនិងសម្ពន្ធភាពជិតស្និទ្ធរវាងព្រះអង្គនឹងលោក ហ៊ុន សែន។
បណ្ឌិត ទិត ណារញ្ញគិរី សន្និដ្ឋានថា ចាប់តាំងពីថ្ងៃវៀតណាមវាយលុកចូលកាន់កាប់កម្ពុជា ដើម្បីរំលំរបបខ្មែរក្រហម រដ្ឋការក្រុងហាណូយបានព្យាយាមគ្រប់រូបភាព ដើម្បីអនុវត្តគោលការណ៍នយោបាយ ដែលអង់គ្លេសហៅថា ethnicide ឬ ethnocide ដែលមានន័យថា ការសម្លាប់ជាតិសាសន៍មួយដោយរំលាយវប្បធម៌៕
Friday, January 14, 2011
រយៈពេល២៦ឆ្នាំនៃការកាន់អំណាចដោយលោក ហ៊ុន សែន
ដោយ យន់ សាមៀន
2011-01-14
លោក ហ៊ុន សែន មានកំណើតពីខេត្តកំពង់ចាម។ ដំណើរជីវិតរបស់គាត់វិវឌ្ឍន៍តាំងពីជាក្មេងវត្ត ជាទាហានខ្មែរក្រហម ជាអ្នកការទូត និងចុងក្រោយបំផុតជានាយករដ្ឋមន្ត្រីនៃប្រទេសកម្ពុជា។ លោកក៏ត្រូវបានគេហៅថា ជាបុរសខ្លាំងនៅកម្ពុជា។ ថ្ងៃសុក្រ ទី១៤ ខែមករា ឆ្នាំ២០១១ គឺជាខួបទី ២៦ ឆ្នាំនៃការឡើងតំណែងជានាយករដ្ឋមន្ត្រីរបស់លោក។
លោក ហ៊ុន សែន បច្ចុប្បន្នមានវ័យ ៥៩ឆ្នាំ ត្រូវបានមន្ត្រីរដ្ឋាភិបាលកម្ពុជា នៃគណបក្សប្រជាជនកម្ពុជារបស់លោក ចាត់ទុកជាមេដឹកនាំឆ្ពោះទៅរកការអភិវឌ្ឍន៍កំណើនសេដ្ឋកិច្ច ការកាត់បន្ថយភាពក្រីក្រ ស្ថិរភាពនយោបាយ និងសន្តិភាព។
លោក ជា ស៊ីម ប្រធានគណបក្សប្រជាជនកម្ពុជា និងជាប្រធានព្រឹទ្ធសភាជាតិ ក្នុងឱកាសខួបលើកទី៣២ នៃទិវាជ័យជម្នះ ៧ មករា បានប្រកាសថា ការដឹកនាំរបស់លោក ហ៊ុន សែន បាននាំកម្ពុជា ទៅរកសន្តិភាព លទិ្ធប្រជាធិបតេយ្យ និងជានីតិរដ្ឋ។
លោក ជា ស៊ីម បានបញ្ជាក់ថា គណបក្សប្រជាជនកម្ពុជា នឹងបន្តជ្រើសរើសលោក ហ៊ុន សែន ធ្វើការជាបេក្ខភាពនាយករដ្ឋមន្ត្រីសម្រាប់ការបោះឆ្នោតសកលឆ្នាំ ២០១៣ ខាងមុខនេះជាបន្តទៅទៀត។
លោក ជា ស៊ីម បន្តទៀតថា ក្នុងវិស័យសេដ្ឋកិច្ចកម្ពុជា អាចរក្សាកំណើនសេដ្ឋកិច្ចបានប្រមាណ ៥%ប្រចាំឆ្នាំ ហើយកំណើននេះនឹងកើនឡើងបន្ថែមមួយភាគរយទៀតនៅឆ្នាំ២០១១នេះ។ ចំណែកឯអត្រានៃភាពក្រីក្រដែលបានធ្លាក់ចុះមកត្រឹម ៤៧% នៅឆ្នាំ១៩៩៣ បានធ្លាក់មកត្រឹម ២៦% នៅឆ្នាំ២០១០។
ទោះបីជាយ៉ាងណាក៏ដោយ មន្ត្រីគណបក្សប្រឆាំង និងអង្គការការពារសិទ្ធិមនុស្សអន្តរជាតិបានសម្ដែងការសោកស្ដាយដែល លោក ហ៊ុន សែន បន្តកាន់តំណែងជានាយករដ្ឋមន្ត្រីយូរពេក ដែលបណ្ដាលឲ្យមានការរំលោភសិទ្ធិមនុស្ស អំពីពុករលួយ ហើយការដឹកនាំប្រទេសរបស់លោក កំពុងនាំកម្ពុជា ឲ្យក្លាយទៅជាប្រទេសផ្ដាច់ការ។
នាយកប្រតិបត្តិទទួលបន្ទុកតំបន់អាស៊ីនៃអង្គការការពារសិទ្ធិ មនុស្ស (Human Rights Watch) លោក ប្រែដ អាដាម (Brad Adams) រិះគន់ថា លោក ហ៊ុន សែន កំពុងដឹកនាំកម្ពុជា ដូចការដឹកនាំរបស់ប្រទេសសិង្ហបុរី ប៉ុន្តែការដឹកនាំនៅកម្ពុជា ផ្ទុយនឹងសិង្ហបុរីត្រង់ថា មេដឹកនាំសិង្ហបុរី ប្រមូលធនធានដែលទទួលបានមកទៅធ្វើការអភិវឌ្ឍប្រទេស ប៉ុន្តែមេដឹកនាំកម្ពុជា បានប្រមូលធនធាននៃប្រទេសនេះរួចដាក់ចូលហោប៉ៅរបស់ខ្លួនផ្ទាល់ទៅ វិញ។
លោក ហ៊ុន សែន ធ្លាប់បានប្រកាសជាច្រើនលើកច្រើនសារួចមកហើយថា លោកនឹងបន្តតំណែងជានាយករដ្ឋមន្ត្រីរបស់លោកទៅថ្ងៃអនាគតដោយគ្មាន ពេលកំណត់។ ក្នុងឱកាសសម្ពោធអគារសិក្សាមួយកាលពីខែសីហា ឆ្នាំ២០០៩ លោកបានប្រកាសថា លោកនឹងបន្តកាន់តំណែងជានាយករដ្ឋមន្ត្រីរហូតដល់ឆ្នាំ២០២៣។
លោក ហ៊ុន សែន ក្នុងប៉ុន្មានឆ្នាំចុងក្រោយនេះ បានបង្ហាញមហិច្ឆិតាជាច្រើនដើម្បីបង្ហាញពីកំណើនសេដ្ឋកិច្ច និងគម្រោងដើម្បីកាត់បន្ថយភាពក្រីក្រនៅកម្ពុជា។ លោកបានប្រកាន់យកយុទ្ធសាស្ត្រថ្មីមួយទៀត ដើម្បីបង្កើនប្រាក់ចំណូលរបស់កម្ពុជា ក្រោយពេលដែលប្រាក់ចំណូលពីវិស័យកាត់ដេរនៅកម្ពុជា មិនមានស្ថិរភាពមក គឺគម្រោងផលិតស្រូវឲ្យសល់លើសពីសេចក្ដីត្រូវការចំនួន ៤លានតោន ដើម្បីជំរុញការនាំអង្ករចេញយ៉ាងហោចណាស់ចំនួន ១លានតោន។
អតីតតំណាងការិយាល័យឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សប្រចាំនៅកម្ពុជា លោកស្រី ម៉ាហ្គោ ភិកខេន (Margo Picken) បានពិពណ៌នាកម្ពុជាថា ជាប្រទេសដែលគ្រប់គ្រងដោយលោក ហ៊ុន សែន និងគណបក្សប្រជាជនកម្ពុជា។ លោក ហ៊ុន សែន និងមន្ត្រីគណបក្សរបស់លោកបានគ្រប់គ្រងកម្ពុជា ដោយអំណាចផ្តាច់មុខ ដោយបានត្រួតត្រាស្ថាប័នទាំងឡាយដែលអាចប្រកួតប្រជែងអំណាចរបស់ គាត់។
លោកស្រី ម៉ាហ្គោ ភិកខេន បន្តទៀតថា លោក ហ៊ុន សែន កំពុងយកគុណសម្បត្តិ ដោយសារតែអតីតនៃរបបខ្មែរក្រហម ហើយលោកបានបង្ហាញពីការអភិវឌ្ឍន៍ និងការកាត់បន្ថយភាពក្រីក្រ ខណៈពេលដែលរូបលោកផ្ទាល់ និងក្រុមមន្ត្រីរបស់លោក កំពុងកេងប្រវ័ញ្ចធនធាននៃប្រទេសនេះ ដោយប្រមែប្រមូលប្រាក់ចំណូលបានមកពីធនធានទាំងនោះដាក់ចូលហោប៉ៅ ខ្លួនឯង ហើយចំណែកឯវិស័យសិទ្ធិមនុស្ស គឺត្រូវបានចាត់ទុកថា មិនបានការ។
តាមពិតលោក ហ៊ុន សែន មិនត្រូវបានគេជ្រើសរើសធ្វើនាយករដ្ឋមន្ត្រីជាប់រហូតតាំងពីខែមករា ឆ្នាំ១៩៨៥ នោះទេ។ នៅក្នុងរយៈពេលនៃការបោះឆ្នោតជាសកល ជួយគាំទ្រដោយអង្គការសហប្រជាជាតិកាលពីឆ្នាំ១៩៩៣ គណបក្សប្រជាជនកម្ពុជា បានចាញ់ ប៉ុន្តែលោក ហ៊ុន សែន បដិសេធមិនទទួលយកលទ្ធផលនៃការបោះឆ្នោតនោះ។
ជាការសម្របសម្រួល លោក ហ៊ុន សែន ត្រូវបានគេផ្ដល់តំណែងជានាយករដ្ឋមន្ត្រីទី២ ក្នុងរដ្ឋាភិបាលចម្រុះរវាងគណបក្សហ៊្វុនស៊ិនប៉ិច និងគណបក្សប្រជាជនកម្ពុជា។ ប៉ុន្តែរដ្ឋាភិបាលចម្រុះត្រូវបានបាក់បែកក្នុងរដ្ឋប្រហារបង្ហូរ ឈាមមួយ កាលពីថ្ងៃទី៥-៦ ខែកក្កដា ឆ្នាំ១៩៩៧ ដោយលោកហ៊ុន សែន បានទម្លាក់អំណាចរបស់ព្រះអង្គម្ចាស់ នរោត្តម រណឫទ្ធិ ដែលកាលនោះលោកជានាយករដ្ឋមន្ត្រីទី១។ លោក ហ៊ុន សែន បានចោទប្រកាន់សម្ដេចក្រុមព្រះជាអ្នកបង្កឲ្យមានការបង្ហូរឈាម ថ្ងៃទី៥-៦ កក្កដា ឆ្នាំ១៩៩៧។
រដ្ឋប្រហារបង្ហូរឈាមនេះធ្វើឡើងក្រោយពីមានព្រឹត្តិការណ៍បោក គ្រាប់បែកទៅលើក្រុមបាតុករគាំទ្រគណបក្សប្រឆាំង កាលពីខែមីនា ឆ្នាំ១៩៩៧ ដែលបណ្ដាលឲ្យមានមនុស្សយ៉ាងហោចណាស់ចំនួន ១៦នាក់ស្លាប់ និងរងរបួសចំនួន ១៤០នាក់ផ្សេងទៀត។
នាយកប្រតិបត្តិទទួលបន្ទុកតំបន់អាស៊ីនៃអង្គការការពារសិទ្ធិ មនុស្ស (Human Rights Watch) លោក ប្រែដ អាដាម កាលពីថ្ងៃទី៨ ខែមករា ឆ្នាំ២០១១ បានចាត់ទុកលោក ហ៊ុន សែន ជាមេដឹកនាំវៃឆ្លាតម្នាក់ ប៉ុន្តែលោក ហ៊ុន សែន បានកាន់កាប់អំណាចយូរពេក ដែលអាចបណ្ដាលឲ្យប្រទេសកម្ពុជា ជួបប្រទះគ្រោះថ្នាក់ទៅថ្ងៃអនាគត។ លោកបន្តទៀតថា លោក ហ៊ុន សែន គួរតែបោះបង់តួនាទីរបស់លោក ហើយអនុញ្ញាតឲ្យមានការបោះឆ្នោតដោយសេរីមួយនៅកម្ពុជា ដើម្បីឲ្យមានមេដឹកនាំកម្ពុជា ផ្សេងទៀត។
លោក ប្រែដ អាដាម បន្ថែមថា ៖ “គាត់បានរៀនសូត្រច្រើនណាស់។គាត់ ត្រូវបានតែងតាំងដោយប្រទេសវៀតណាម ជារដ្ឋមន្ត្រីការបរទេសវ័យក្មេងជាងគេបំផុតក្នុងពិភពលោក កាលពីឆ្នាំ១៩៧៩ ដោយសារតែគាត់មានភាពឈ្លាសវៃ ហើយនិងចេះសម្របខ្លួនបានល្អ។ គាត់ក៏ចេះបម្រើចៅហ្វាយរបស់គាត់ផងដែរ។ គាត់បានរៀនធ្វើការជាមេដឹកនាំ ហើយគាត់អាចប្រើប្រាស់អំណាចរបស់គាត់ដើម្បីប្រឆាំងនឹងអ្នកជំទាស់ នឹងគាត់។ ខ្ញុំសង្ឃឹមថា គាត់នឹងប្រើប្រាស់សមត្ថភាពរបស់គាត់ ដើម្បីប្រែក្លាយទៅជាមេដឹកនាំល្អមួយរូប ដើម្បីឲ្យប្រទេសកម្ពុជា មានភាពរុងរឿង ការគោរពសិទ្ធិមនុស្ស និងលទិ្ធប្រជាធិបតេយ្យ។ បច្ចុប្បន្ននេះគាត់បានបង្ហាញខ្លួនជាមនុស្សឆ្លាតវៃ ប៉ុន្តែជាបុគ្គលដែលប្រកបដោយលក្ខណៈអវិជ្ជមាន"។
លោក ប្រែត អាដាម បានបន្តទៀតថា លោក ហ៊ុន សែន មិនមែនជាមនុស្សដែលមានប្រជាប្រិយភាពទេ ប៉ុន្តែលោក ហ៊ុន សែន អាចនៅរក្សាតំណែងរបស់លោកបានដោយសារតែការគំរាមកំហែង និងអំពើពុករលួយ ដែលបានអនុញ្ញាតឲ្យលោក ហ៊ុន សែន ប្រើប្រាស់ទឹកប្រាក់របស់លោកទិញមន្រ្តីដែលប្រឆាំងនឹងរូបលោក។
លោកបន្តទៀតថា លោក ហ៊ុន សែន បានប្រើប្រាស់វិធីសាស្ត្របំបែក និងត្រួតត្រាបានយ៉ាងល្អ ដើម្បីធ្វើឲ្យគណបក្សប្រឆាំងខ្សោយ ៖ "ខ្ញុំ គិតថា លោក ហ៊ុន សែន ចង់ក្ដោបក្ដាប់ និងពង្រឹងអំណាចរបស់ខ្លួន និងបញ្ចប់ការរិះគន់រដ្ឋាភិបាលរបស់លោកនៅក្នុងប្រទេសកម្ពុជា។ លោកចង់ឲ្យមានគណបក្សតែមួយ បើទោះបីជាលោកធ្វើពុតឲ្យមានការបោះឆ្នោតសម្រាប់រយៈពេល ៥ឆ្នាំម្ដងក៏ដោយ ពីព្រោះការបោះឆ្នោតទាំងនោះ គាត់អាចរៀបចំបានដើម្បីឲ្យខ្លួនគាត់ឈ្នះឆ្នោតជាស្វ័យប្រវត្តិ។ គាត់ក៏ចង់គ្រប់គ្រងធនធានរបស់ប្រទេសកម្ពុជាទាំងអស់ ហើយគាត់ចង់កែប្រែប្រទេសកម្ពុជា ទៅជាប្រព័ន្ធមូលធននិយមប្រកបដោយរបបផ្ដាច់ការ"។
លោក ហ៊ុន សែន បានប្រែក្លាយជានាយករដ្ឋមន្ត្រី ក្រោយពេលដែលអតីតនាយករដ្ឋមន្ត្រី លោក ចាន់ ស៊ី បានទទួលមរណភាព។
លោក ប៉ែន សុវណ្ណ អតីតនាយករដ្ឋមន្ត្រីនៃសាធារណរដ្ឋប្រជាមានិតកម្ពុជា បានអះអាងប្រាប់វិទ្យុអាស៊ីសេរីឲ្យដឹងថា លោក ហ៊ុន សែន បានទទួលតំណែងជានាយករដ្ឋមន្ត្រី ដោយសារតែលោក ហ៊ុន សែន មិនបានជំទាស់នឹងគំនិតនៃការត្រួតត្រារបស់វៀតណាម កាលពីពេលនោះ។
បច្ចុប្បន្ននេះគូប្រជែងរបស់លោក ហ៊ុន សែន ហាក់បីដូចជាគ្មានសមត្ថភាពក្នុងការដណ្ដើមយកជ័យជម្នះលើគណបក្ស ប្រជាជនកម្ពុជា ដោយសារពួកគេកំពុងដណ្ដើមគ្នាដើរតួជាគណបក្សប្រឆាំងនៅកម្ពុជា។
លោក សម រង្ស៊ី បច្ចុប្បន្នកំពុងរស់នៅនិរទេសខ្លួននៅប្រទេសបារាំង ក្រោយពេលតុលាការក្រុងភ្នំពេញ បានកាត់ទោសលោកឲ្យជាប់គុកចំនួន ១២ឆ្នាំ ពីបទផ្សាយព័ត៌មានមិនពិត ក្លែងបន្លំឯកសារ និងបំផ្លាញទ្រព្យសម្បត្តិសាធារណៈ។
ចំណែកឯសម្ដេចក្រុមព្រះ នរោត្តម រណឫទ្ធិ វិញ ត្រូវបានជ្រើសរើសជាប្រធានគណបក្ស នរោត្តម រណឫទ្ធិ ប៉ុន្តែគណបក្សមិនទទួលបានការគាំទ្រពីអ្នកបោះឆ្នោតនោះទេ។ គណបក្សនេះបានជាប់ឆ្នោតតែចំនួនពីរកៅអីប៉ុណ្ណោះក្នុងការបោះឆ្នោត ឆ្នាំ២០០៨។ អ្នកវិភាគបានរិះគន់គណបក្សប្រឆាំងជាខ្លាំងនៅមុនពេលការបោះឆ្នោត ឆ្នាំ២០០៨ ដោយសារតែមេដឹកនាំគណបក្ស សម រង្ស៊ី និងគណបក្សសិទ្ធិមនុស្ស មិនព្រមសហការបង្កើតជាគណបក្សប្រឆាំងតែមួយ ដើម្បីប្រកួតប្រជែងនឹងគណបក្សកាន់អំណាច។
លោក យឹម សុវណ្ណ អ្នកនាំពាក្យគណបក្ស សម រង្ស៊ី បានប្រាប់វិទ្យុអាស៊ីសេរី ពីដើមខែមករា ឆ្នាំ២០១១ថា ទោះបីកម្ពុជា មានការអភិវឌ្ឍបន្តិចបន្តួចមែន ប៉ុន្តែកម្ពុជា នៅមានបញ្ហាជាច្រើនដែលនៅមិនទាន់បានដោះស្រាយ។
ទោះបីជាមានការអះអាងថា មានការកើនឡើងផ្នែកសេដ្ឋកិច្ចយ៉ាងណាក៏ដោយ ប្រទេសកម្ពុជា រស់បានដោយការដាក់ទានពីបរទេសជាមធ្យម ៥០០លានដុល្លារក្នុងមួយឆ្នាំ ហើយជាប្រទេសជំពាក់បំណុលគេដ៏ធំមួយផងដែរ។ ក្រៅពីនោះកម្ពុជា ក៏ត្រូវបានអ្នកវិភាគចាត់ទុកថា ជាប្រទេសកំពុងរងឥទ្ធិពលយ៉ាងខ្លាំងពីប្រទេសចិន ផងដែរ។
កាលពីខែវិច្ឆិកា ឆ្នាំ២០១០ ក្នុងដំណើរបំពេញទស្សនកិច្ចរបស់រដ្ឋមន្ត្រីការបរទេសសហរដ្ឋអាមេរិក លោកស្រី ហ៊ីលទ្បារី គ្លិនតុន (Hillary Clinton) បានស្នើកុំឲ្យប្រទេសកម្ពុជា ពឹងផ្អែកទៅលើប្រទេសចិន តែមួយជាដៃគូរបស់ខ្លួន។ លោកស្រីបន្តទៀតថា ទោះបីកម្ពុជា មានទំនាក់ទំនងល្អជាមួយចិន ប៉ុន្តែកម្ពុជា ត្រូវហ៊ានប្រឈមមុខនឹងប្រទេសចិន ប្រសិនបើកម្ពុជា មានក្ដីកង្វល់ពីបញ្ហាបរិស្ថានពាក់ព័ន្ធនឹងការសាងសង់វារីអគ្គិសនី ក្នុងទន្លេមេគង្គ។
ថ្មីៗនេះលោក ហ៊ុន សែន ត្រូវបានគេរិះគន់ថា លោកកំពុងបង្កើតជាក្រុមបណ្ដាញសម្រាប់បន្តការដឹកនាំប្រទេសកម្ពុជា ដោយការតែងតាំងសាច់ញាតិលោកធ្វើជាមេដឹកនាំនៅកម្ពុជា។
លោក ហ៊ុន សែន កាលពីដើមខែមករា ឆ្នាំ២០១១ បានតែងតាំង និងដំឡើងឋានន្តរសក្ដិកូនប្រុសច្បងរបស់លោក គឺលោក ហ៊ុន ម៉ាណែត ជាឧត្ដមសេនីយ៍ទោផ្កាយពីរ ដែលមានមុខងារបន្ថែមជាមេបញ្ជាការរងនៃបញ្ជាការដ្ឋានកងទ័ពជើងគោក នៃកងយោធពលខេមរភូមិន្ទ។ ការតែងតាំងនេះត្រូវបានអ្នករិះគន់បានលើកឡើងថា ជាការតែងតាំងដើម្បីបង្កើតជាបណ្ដាញគ្រួសារលោក ហ៊ុន សែន ដើម្បីរក្សាតំណែងរបស់លោក ដើម្បីគ្រប់គ្រងប្រទេសកម្ពុជា។
ប្រតិកម្មទៅនឹងការលើកឡើងរបស់អ្នករិះគន់ លោក ហ៊ុន សែន លោក ផៃ ស៊ីផាន អ្នកនាំពាក្យគណៈរដ្ឋមន្ត្រីកម្ពុជា មានប្រសាសន៍កាលពីដើមខែមករា ឆ្នាំ២០១១ ថា លោក ហ៊ុន សែន បានបន្សល់ទុកនូវសមិទ្ធផលជាច្រើនសម្រាប់កម្ពុជា។ លោកបន្តថា ការតែងតាំងលោក ហ៊ុន ម៉ាណែត ជាមេដឹកនាំកងទ័ពកម្ពុជា មិនមែនដើម្បីស្នងតំណែងពីឪពុកលោកនោះទេ។
ទោះជាយ៉ាងណាក៏ដោយ អ្នកវិភាគវិវឌ្ឍន៍នយោបាយនៅកម្ពុជា បានលើកឡើងថា ការដឹកនាំប្រទេសកម្ពុជា របស់លោក ហ៊ុន សែន កំពុងឈានទៅរកអំណាចផ្ដាច់ការ ហើយគណបក្សប្រឆាំងនៅកម្ពុជា នឹងកាន់តែទន់ខ្សោយបន្តិចម្ដងៗ។
អ្នកវិភាគបន្តទៀតថា បច្ចុប្បន្ននេះគេសង្កេតឃើញថា គ្រួសារសាច់ញាតិរបស់លោក ហ៊ុន សែន កំពុងតែគ្រប់គ្រងកម្ពុជា។ ការគ្រប់គ្រងមានដូចជា កូនប្រុសច្បងលោក ហ៊ុន សែន លោក ហ៊ុន ម៉ាណែត ធ្វើជាឧត្ដមសេនីយ៍ទោផ្កាយពីរ ដែលមានមុខងារបន្ថែមជាមេបញ្ជាការរងនៃបញ្ជាការដ្ឋានកងទ័ពជើងគោក នៃកងយោធពលខេមរភូមិន្ទ។ កូនស្រី គឺលោកស្រី ហ៊ុន ម៉ាណា ជានាយកគ្រប់គ្រងស្ថានីយវិទ្យុ និងទូរទស្សន៍បាយ័ន ភរិយារបស់លោក ហ៊ុន សែន គឺលោកស្រី ប៊ុន រ៉ានី ហ៊ុន សែន ជាប្រធានកាកបាទក្រហមកម្ពុជា។ លោក ហ៊ុន សែន ត្រូវជាដន្លងជាមួយនឹងឧបនាយករដ្ឋមន្ត្រីកម្ពុជា ចំនួនពីរនាក់ និងអតីតស្នងការប៉ូលិសជាតិម្នាក់៕
2011-01-14
លោក ហ៊ុន សែន មានកំណើតពីខេត្តកំពង់ចាម។ ដំណើរជីវិតរបស់គាត់វិវឌ្ឍន៍តាំងពីជាក្មេងវត្ត ជាទាហានខ្មែរក្រហម ជាអ្នកការទូត និងចុងក្រោយបំផុតជានាយករដ្ឋមន្ត្រីនៃប្រទេសកម្ពុជា។ លោកក៏ត្រូវបានគេហៅថា ជាបុរសខ្លាំងនៅកម្ពុជា។ ថ្ងៃសុក្រ ទី១៤ ខែមករា ឆ្នាំ២០១១ គឺជាខួបទី ២៦ ឆ្នាំនៃការឡើងតំណែងជានាយករដ្ឋមន្ត្រីរបស់លោក។
លោក ហ៊ុន សែន បច្ចុប្បន្នមានវ័យ ៥៩ឆ្នាំ ត្រូវបានមន្ត្រីរដ្ឋាភិបាលកម្ពុជា នៃគណបក្សប្រជាជនកម្ពុជារបស់លោក ចាត់ទុកជាមេដឹកនាំឆ្ពោះទៅរកការអភិវឌ្ឍន៍កំណើនសេដ្ឋកិច្ច ការកាត់បន្ថយភាពក្រីក្រ ស្ថិរភាពនយោបាយ និងសន្តិភាព។
លោក ជា ស៊ីម ប្រធានគណបក្សប្រជាជនកម្ពុជា និងជាប្រធានព្រឹទ្ធសភាជាតិ ក្នុងឱកាសខួបលើកទី៣២ នៃទិវាជ័យជម្នះ ៧ មករា បានប្រកាសថា ការដឹកនាំរបស់លោក ហ៊ុន សែន បាននាំកម្ពុជា ទៅរកសន្តិភាព លទិ្ធប្រជាធិបតេយ្យ និងជានីតិរដ្ឋ។
លោក ជា ស៊ីម បានបញ្ជាក់ថា គណបក្សប្រជាជនកម្ពុជា នឹងបន្តជ្រើសរើសលោក ហ៊ុន សែន ធ្វើការជាបេក្ខភាពនាយករដ្ឋមន្ត្រីសម្រាប់ការបោះឆ្នោតសកលឆ្នាំ ២០១៣ ខាងមុខនេះជាបន្តទៅទៀត។
លោក ជា ស៊ីម បន្តទៀតថា ក្នុងវិស័យសេដ្ឋកិច្ចកម្ពុជា អាចរក្សាកំណើនសេដ្ឋកិច្ចបានប្រមាណ ៥%ប្រចាំឆ្នាំ ហើយកំណើននេះនឹងកើនឡើងបន្ថែមមួយភាគរយទៀតនៅឆ្នាំ២០១១នេះ។ ចំណែកឯអត្រានៃភាពក្រីក្រដែលបានធ្លាក់ចុះមកត្រឹម ៤៧% នៅឆ្នាំ១៩៩៣ បានធ្លាក់មកត្រឹម ២៦% នៅឆ្នាំ២០១០។
ទោះបីជាយ៉ាងណាក៏ដោយ មន្ត្រីគណបក្សប្រឆាំង និងអង្គការការពារសិទ្ធិមនុស្សអន្តរជាតិបានសម្ដែងការសោកស្ដាយដែល លោក ហ៊ុន សែន បន្តកាន់តំណែងជានាយករដ្ឋមន្ត្រីយូរពេក ដែលបណ្ដាលឲ្យមានការរំលោភសិទ្ធិមនុស្ស អំពីពុករលួយ ហើយការដឹកនាំប្រទេសរបស់លោក កំពុងនាំកម្ពុជា ឲ្យក្លាយទៅជាប្រទេសផ្ដាច់ការ។
នាយកប្រតិបត្តិទទួលបន្ទុកតំបន់អាស៊ីនៃអង្គការការពារសិទ្ធិ មនុស្ស (Human Rights Watch) លោក ប្រែដ អាដាម (Brad Adams) រិះគន់ថា លោក ហ៊ុន សែន កំពុងដឹកនាំកម្ពុជា ដូចការដឹកនាំរបស់ប្រទេសសិង្ហបុរី ប៉ុន្តែការដឹកនាំនៅកម្ពុជា ផ្ទុយនឹងសិង្ហបុរីត្រង់ថា មេដឹកនាំសិង្ហបុរី ប្រមូលធនធានដែលទទួលបានមកទៅធ្វើការអភិវឌ្ឍប្រទេស ប៉ុន្តែមេដឹកនាំកម្ពុជា បានប្រមូលធនធាននៃប្រទេសនេះរួចដាក់ចូលហោប៉ៅរបស់ខ្លួនផ្ទាល់ទៅ វិញ។
លោក ហ៊ុន សែន ធ្លាប់បានប្រកាសជាច្រើនលើកច្រើនសារួចមកហើយថា លោកនឹងបន្តតំណែងជានាយករដ្ឋមន្ត្រីរបស់លោកទៅថ្ងៃអនាគតដោយគ្មាន ពេលកំណត់។ ក្នុងឱកាសសម្ពោធអគារសិក្សាមួយកាលពីខែសីហា ឆ្នាំ២០០៩ លោកបានប្រកាសថា លោកនឹងបន្តកាន់តំណែងជានាយករដ្ឋមន្ត្រីរហូតដល់ឆ្នាំ២០២៣។
លោក ហ៊ុន សែន ក្នុងប៉ុន្មានឆ្នាំចុងក្រោយនេះ បានបង្ហាញមហិច្ឆិតាជាច្រើនដើម្បីបង្ហាញពីកំណើនសេដ្ឋកិច្ច និងគម្រោងដើម្បីកាត់បន្ថយភាពក្រីក្រនៅកម្ពុជា។ លោកបានប្រកាន់យកយុទ្ធសាស្ត្រថ្មីមួយទៀត ដើម្បីបង្កើនប្រាក់ចំណូលរបស់កម្ពុជា ក្រោយពេលដែលប្រាក់ចំណូលពីវិស័យកាត់ដេរនៅកម្ពុជា មិនមានស្ថិរភាពមក គឺគម្រោងផលិតស្រូវឲ្យសល់លើសពីសេចក្ដីត្រូវការចំនួន ៤លានតោន ដើម្បីជំរុញការនាំអង្ករចេញយ៉ាងហោចណាស់ចំនួន ១លានតោន។
អតីតតំណាងការិយាល័យឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សប្រចាំនៅកម្ពុជា លោកស្រី ម៉ាហ្គោ ភិកខេន (Margo Picken) បានពិពណ៌នាកម្ពុជាថា ជាប្រទេសដែលគ្រប់គ្រងដោយលោក ហ៊ុន សែន និងគណបក្សប្រជាជនកម្ពុជា។ លោក ហ៊ុន សែន និងមន្ត្រីគណបក្សរបស់លោកបានគ្រប់គ្រងកម្ពុជា ដោយអំណាចផ្តាច់មុខ ដោយបានត្រួតត្រាស្ថាប័នទាំងឡាយដែលអាចប្រកួតប្រជែងអំណាចរបស់ គាត់។
លោកស្រី ម៉ាហ្គោ ភិកខេន បន្តទៀតថា លោក ហ៊ុន សែន កំពុងយកគុណសម្បត្តិ ដោយសារតែអតីតនៃរបបខ្មែរក្រហម ហើយលោកបានបង្ហាញពីការអភិវឌ្ឍន៍ និងការកាត់បន្ថយភាពក្រីក្រ ខណៈពេលដែលរូបលោកផ្ទាល់ និងក្រុមមន្ត្រីរបស់លោក កំពុងកេងប្រវ័ញ្ចធនធាននៃប្រទេសនេះ ដោយប្រមែប្រមូលប្រាក់ចំណូលបានមកពីធនធានទាំងនោះដាក់ចូលហោប៉ៅ ខ្លួនឯង ហើយចំណែកឯវិស័យសិទ្ធិមនុស្ស គឺត្រូវបានចាត់ទុកថា មិនបានការ។
តាមពិតលោក ហ៊ុន សែន មិនត្រូវបានគេជ្រើសរើសធ្វើនាយករដ្ឋមន្ត្រីជាប់រហូតតាំងពីខែមករា ឆ្នាំ១៩៨៥ នោះទេ។ នៅក្នុងរយៈពេលនៃការបោះឆ្នោតជាសកល ជួយគាំទ្រដោយអង្គការសហប្រជាជាតិកាលពីឆ្នាំ១៩៩៣ គណបក្សប្រជាជនកម្ពុជា បានចាញ់ ប៉ុន្តែលោក ហ៊ុន សែន បដិសេធមិនទទួលយកលទ្ធផលនៃការបោះឆ្នោតនោះ។
ជាការសម្របសម្រួល លោក ហ៊ុន សែន ត្រូវបានគេផ្ដល់តំណែងជានាយករដ្ឋមន្ត្រីទី២ ក្នុងរដ្ឋាភិបាលចម្រុះរវាងគណបក្សហ៊្វុនស៊ិនប៉ិច និងគណបក្សប្រជាជនកម្ពុជា។ ប៉ុន្តែរដ្ឋាភិបាលចម្រុះត្រូវបានបាក់បែកក្នុងរដ្ឋប្រហារបង្ហូរ ឈាមមួយ កាលពីថ្ងៃទី៥-៦ ខែកក្កដា ឆ្នាំ១៩៩៧ ដោយលោកហ៊ុន សែន បានទម្លាក់អំណាចរបស់ព្រះអង្គម្ចាស់ នរោត្តម រណឫទ្ធិ ដែលកាលនោះលោកជានាយករដ្ឋមន្ត្រីទី១។ លោក ហ៊ុន សែន បានចោទប្រកាន់សម្ដេចក្រុមព្រះជាអ្នកបង្កឲ្យមានការបង្ហូរឈាម ថ្ងៃទី៥-៦ កក្កដា ឆ្នាំ១៩៩៧។
រដ្ឋប្រហារបង្ហូរឈាមនេះធ្វើឡើងក្រោយពីមានព្រឹត្តិការណ៍បោក គ្រាប់បែកទៅលើក្រុមបាតុករគាំទ្រគណបក្សប្រឆាំង កាលពីខែមីនា ឆ្នាំ១៩៩៧ ដែលបណ្ដាលឲ្យមានមនុស្សយ៉ាងហោចណាស់ចំនួន ១៦នាក់ស្លាប់ និងរងរបួសចំនួន ១៤០នាក់ផ្សេងទៀត។
នាយកប្រតិបត្តិទទួលបន្ទុកតំបន់អាស៊ីនៃអង្គការការពារសិទ្ធិ មនុស្ស (Human Rights Watch) លោក ប្រែដ អាដាម កាលពីថ្ងៃទី៨ ខែមករា ឆ្នាំ២០១១ បានចាត់ទុកលោក ហ៊ុន សែន ជាមេដឹកនាំវៃឆ្លាតម្នាក់ ប៉ុន្តែលោក ហ៊ុន សែន បានកាន់កាប់អំណាចយូរពេក ដែលអាចបណ្ដាលឲ្យប្រទេសកម្ពុជា ជួបប្រទះគ្រោះថ្នាក់ទៅថ្ងៃអនាគត។ លោកបន្តទៀតថា លោក ហ៊ុន សែន គួរតែបោះបង់តួនាទីរបស់លោក ហើយអនុញ្ញាតឲ្យមានការបោះឆ្នោតដោយសេរីមួយនៅកម្ពុជា ដើម្បីឲ្យមានមេដឹកនាំកម្ពុជា ផ្សេងទៀត។
លោក ប្រែដ អាដាម បន្ថែមថា ៖ “គាត់បានរៀនសូត្រច្រើនណាស់។គាត់ ត្រូវបានតែងតាំងដោយប្រទេសវៀតណាម ជារដ្ឋមន្ត្រីការបរទេសវ័យក្មេងជាងគេបំផុតក្នុងពិភពលោក កាលពីឆ្នាំ១៩៧៩ ដោយសារតែគាត់មានភាពឈ្លាសវៃ ហើយនិងចេះសម្របខ្លួនបានល្អ។ គាត់ក៏ចេះបម្រើចៅហ្វាយរបស់គាត់ផងដែរ។ គាត់បានរៀនធ្វើការជាមេដឹកនាំ ហើយគាត់អាចប្រើប្រាស់អំណាចរបស់គាត់ដើម្បីប្រឆាំងនឹងអ្នកជំទាស់ នឹងគាត់។ ខ្ញុំសង្ឃឹមថា គាត់នឹងប្រើប្រាស់សមត្ថភាពរបស់គាត់ ដើម្បីប្រែក្លាយទៅជាមេដឹកនាំល្អមួយរូប ដើម្បីឲ្យប្រទេសកម្ពុជា មានភាពរុងរឿង ការគោរពសិទ្ធិមនុស្ស និងលទិ្ធប្រជាធិបតេយ្យ។ បច្ចុប្បន្ននេះគាត់បានបង្ហាញខ្លួនជាមនុស្សឆ្លាតវៃ ប៉ុន្តែជាបុគ្គលដែលប្រកបដោយលក្ខណៈអវិជ្ជមាន"។
លោក ប្រែត អាដាម បានបន្តទៀតថា លោក ហ៊ុន សែន មិនមែនជាមនុស្សដែលមានប្រជាប្រិយភាពទេ ប៉ុន្តែលោក ហ៊ុន សែន អាចនៅរក្សាតំណែងរបស់លោកបានដោយសារតែការគំរាមកំហែង និងអំពើពុករលួយ ដែលបានអនុញ្ញាតឲ្យលោក ហ៊ុន សែន ប្រើប្រាស់ទឹកប្រាក់របស់លោកទិញមន្រ្តីដែលប្រឆាំងនឹងរូបលោក។
លោកបន្តទៀតថា លោក ហ៊ុន សែន បានប្រើប្រាស់វិធីសាស្ត្របំបែក និងត្រួតត្រាបានយ៉ាងល្អ ដើម្បីធ្វើឲ្យគណបក្សប្រឆាំងខ្សោយ ៖ "ខ្ញុំ គិតថា លោក ហ៊ុន សែន ចង់ក្ដោបក្ដាប់ និងពង្រឹងអំណាចរបស់ខ្លួន និងបញ្ចប់ការរិះគន់រដ្ឋាភិបាលរបស់លោកនៅក្នុងប្រទេសកម្ពុជា។ លោកចង់ឲ្យមានគណបក្សតែមួយ បើទោះបីជាលោកធ្វើពុតឲ្យមានការបោះឆ្នោតសម្រាប់រយៈពេល ៥ឆ្នាំម្ដងក៏ដោយ ពីព្រោះការបោះឆ្នោតទាំងនោះ គាត់អាចរៀបចំបានដើម្បីឲ្យខ្លួនគាត់ឈ្នះឆ្នោតជាស្វ័យប្រវត្តិ។ គាត់ក៏ចង់គ្រប់គ្រងធនធានរបស់ប្រទេសកម្ពុជាទាំងអស់ ហើយគាត់ចង់កែប្រែប្រទេសកម្ពុជា ទៅជាប្រព័ន្ធមូលធននិយមប្រកបដោយរបបផ្ដាច់ការ"។
លោក ហ៊ុន សែន បានប្រែក្លាយជានាយករដ្ឋមន្ត្រី ក្រោយពេលដែលអតីតនាយករដ្ឋមន្ត្រី លោក ចាន់ ស៊ី បានទទួលមរណភាព។
លោក ប៉ែន សុវណ្ណ អតីតនាយករដ្ឋមន្ត្រីនៃសាធារណរដ្ឋប្រជាមានិតកម្ពុជា បានអះអាងប្រាប់វិទ្យុអាស៊ីសេរីឲ្យដឹងថា លោក ហ៊ុន សែន បានទទួលតំណែងជានាយករដ្ឋមន្ត្រី ដោយសារតែលោក ហ៊ុន សែន មិនបានជំទាស់នឹងគំនិតនៃការត្រួតត្រារបស់វៀតណាម កាលពីពេលនោះ។
បច្ចុប្បន្ននេះគូប្រជែងរបស់លោក ហ៊ុន សែន ហាក់បីដូចជាគ្មានសមត្ថភាពក្នុងការដណ្ដើមយកជ័យជម្នះលើគណបក្ស ប្រជាជនកម្ពុជា ដោយសារពួកគេកំពុងដណ្ដើមគ្នាដើរតួជាគណបក្សប្រឆាំងនៅកម្ពុជា។
លោក សម រង្ស៊ី បច្ចុប្បន្នកំពុងរស់នៅនិរទេសខ្លួននៅប្រទេសបារាំង ក្រោយពេលតុលាការក្រុងភ្នំពេញ បានកាត់ទោសលោកឲ្យជាប់គុកចំនួន ១២ឆ្នាំ ពីបទផ្សាយព័ត៌មានមិនពិត ក្លែងបន្លំឯកសារ និងបំផ្លាញទ្រព្យសម្បត្តិសាធារណៈ។
ចំណែកឯសម្ដេចក្រុមព្រះ នរោត្តម រណឫទ្ធិ វិញ ត្រូវបានជ្រើសរើសជាប្រធានគណបក្ស នរោត្តម រណឫទ្ធិ ប៉ុន្តែគណបក្សមិនទទួលបានការគាំទ្រពីអ្នកបោះឆ្នោតនោះទេ។ គណបក្សនេះបានជាប់ឆ្នោតតែចំនួនពីរកៅអីប៉ុណ្ណោះក្នុងការបោះឆ្នោត ឆ្នាំ២០០៨។ អ្នកវិភាគបានរិះគន់គណបក្សប្រឆាំងជាខ្លាំងនៅមុនពេលការបោះឆ្នោត ឆ្នាំ២០០៨ ដោយសារតែមេដឹកនាំគណបក្ស សម រង្ស៊ី និងគណបក្សសិទ្ធិមនុស្ស មិនព្រមសហការបង្កើតជាគណបក្សប្រឆាំងតែមួយ ដើម្បីប្រកួតប្រជែងនឹងគណបក្សកាន់អំណាច។
លោក យឹម សុវណ្ណ អ្នកនាំពាក្យគណបក្ស សម រង្ស៊ី បានប្រាប់វិទ្យុអាស៊ីសេរី ពីដើមខែមករា ឆ្នាំ២០១១ថា ទោះបីកម្ពុជា មានការអភិវឌ្ឍបន្តិចបន្តួចមែន ប៉ុន្តែកម្ពុជា នៅមានបញ្ហាជាច្រើនដែលនៅមិនទាន់បានដោះស្រាយ។
ទោះបីជាមានការអះអាងថា មានការកើនឡើងផ្នែកសេដ្ឋកិច្ចយ៉ាងណាក៏ដោយ ប្រទេសកម្ពុជា រស់បានដោយការដាក់ទានពីបរទេសជាមធ្យម ៥០០លានដុល្លារក្នុងមួយឆ្នាំ ហើយជាប្រទេសជំពាក់បំណុលគេដ៏ធំមួយផងដែរ។ ក្រៅពីនោះកម្ពុជា ក៏ត្រូវបានអ្នកវិភាគចាត់ទុកថា ជាប្រទេសកំពុងរងឥទ្ធិពលយ៉ាងខ្លាំងពីប្រទេសចិន ផងដែរ។
កាលពីខែវិច្ឆិកា ឆ្នាំ២០១០ ក្នុងដំណើរបំពេញទស្សនកិច្ចរបស់រដ្ឋមន្ត្រីការបរទេសសហរដ្ឋអាមេរិក លោកស្រី ហ៊ីលទ្បារី គ្លិនតុន (Hillary Clinton) បានស្នើកុំឲ្យប្រទេសកម្ពុជា ពឹងផ្អែកទៅលើប្រទេសចិន តែមួយជាដៃគូរបស់ខ្លួន។ លោកស្រីបន្តទៀតថា ទោះបីកម្ពុជា មានទំនាក់ទំនងល្អជាមួយចិន ប៉ុន្តែកម្ពុជា ត្រូវហ៊ានប្រឈមមុខនឹងប្រទេសចិន ប្រសិនបើកម្ពុជា មានក្ដីកង្វល់ពីបញ្ហាបរិស្ថានពាក់ព័ន្ធនឹងការសាងសង់វារីអគ្គិសនី ក្នុងទន្លេមេគង្គ។
ថ្មីៗនេះលោក ហ៊ុន សែន ត្រូវបានគេរិះគន់ថា លោកកំពុងបង្កើតជាក្រុមបណ្ដាញសម្រាប់បន្តការដឹកនាំប្រទេសកម្ពុជា ដោយការតែងតាំងសាច់ញាតិលោកធ្វើជាមេដឹកនាំនៅកម្ពុជា។
លោក ហ៊ុន សែន កាលពីដើមខែមករា ឆ្នាំ២០១១ បានតែងតាំង និងដំឡើងឋានន្តរសក្ដិកូនប្រុសច្បងរបស់លោក គឺលោក ហ៊ុន ម៉ាណែត ជាឧត្ដមសេនីយ៍ទោផ្កាយពីរ ដែលមានមុខងារបន្ថែមជាមេបញ្ជាការរងនៃបញ្ជាការដ្ឋានកងទ័ពជើងគោក នៃកងយោធពលខេមរភូមិន្ទ។ ការតែងតាំងនេះត្រូវបានអ្នករិះគន់បានលើកឡើងថា ជាការតែងតាំងដើម្បីបង្កើតជាបណ្ដាញគ្រួសារលោក ហ៊ុន សែន ដើម្បីរក្សាតំណែងរបស់លោក ដើម្បីគ្រប់គ្រងប្រទេសកម្ពុជា។
ប្រតិកម្មទៅនឹងការលើកឡើងរបស់អ្នករិះគន់ លោក ហ៊ុន សែន លោក ផៃ ស៊ីផាន អ្នកនាំពាក្យគណៈរដ្ឋមន្ត្រីកម្ពុជា មានប្រសាសន៍កាលពីដើមខែមករា ឆ្នាំ២០១១ ថា លោក ហ៊ុន សែន បានបន្សល់ទុកនូវសមិទ្ធផលជាច្រើនសម្រាប់កម្ពុជា។ លោកបន្តថា ការតែងតាំងលោក ហ៊ុន ម៉ាណែត ជាមេដឹកនាំកងទ័ពកម្ពុជា មិនមែនដើម្បីស្នងតំណែងពីឪពុកលោកនោះទេ។
ទោះជាយ៉ាងណាក៏ដោយ អ្នកវិភាគវិវឌ្ឍន៍នយោបាយនៅកម្ពុជា បានលើកឡើងថា ការដឹកនាំប្រទេសកម្ពុជា របស់លោក ហ៊ុន សែន កំពុងឈានទៅរកអំណាចផ្ដាច់ការ ហើយគណបក្សប្រឆាំងនៅកម្ពុជា នឹងកាន់តែទន់ខ្សោយបន្តិចម្ដងៗ។
អ្នកវិភាគបន្តទៀតថា បច្ចុប្បន្ននេះគេសង្កេតឃើញថា គ្រួសារសាច់ញាតិរបស់លោក ហ៊ុន សែន កំពុងតែគ្រប់គ្រងកម្ពុជា។ ការគ្រប់គ្រងមានដូចជា កូនប្រុសច្បងលោក ហ៊ុន សែន លោក ហ៊ុន ម៉ាណែត ធ្វើជាឧត្ដមសេនីយ៍ទោផ្កាយពីរ ដែលមានមុខងារបន្ថែមជាមេបញ្ជាការរងនៃបញ្ជាការដ្ឋានកងទ័ពជើងគោក នៃកងយោធពលខេមរភូមិន្ទ។ កូនស្រី គឺលោកស្រី ហ៊ុន ម៉ាណា ជានាយកគ្រប់គ្រងស្ថានីយវិទ្យុ និងទូរទស្សន៍បាយ័ន ភរិយារបស់លោក ហ៊ុន សែន គឺលោកស្រី ប៊ុន រ៉ានី ហ៊ុន សែន ជាប្រធានកាកបាទក្រហមកម្ពុជា។ លោក ហ៊ុន សែន ត្រូវជាដន្លងជាមួយនឹងឧបនាយករដ្ឋមន្ត្រីកម្ពុជា ចំនួនពីរនាក់ និងអតីតស្នងការប៉ូលិសជាតិម្នាក់៕
អ្នកកាសែតម្នាក់រងរបួសក្នុងពេលក្រុមហ៊ុនរុះរើផ្ទះអ្នកភូមិនៅបឹងកក់
ដោយ អ៊ុក សាវបូរី
2011-01-14
សមត្ថកិច្ចខណ្ឌដូនពេញ រាជធានីភ្នំពេញ និងក្រុមហ៊ុនស៊ូកាគូ អភិវឌ្ឍន៍បឹងកក បានប្រើកម្មករប្រមាណ ៥០នាក់ និងអូប័រ ២គ្រឿង បាននាំគ្នាសម្រុករុះរើផ្ទះប្រជាពលរដ្ឋនៅភូមិ២៤ ជាភូមិស្ថិតនៅលើផ្ទៃទឹកបឹងកក់ នៅព្រឹកថ្ងៃសុក្រ ទី១៤ មករា ឆ្នាំ២០១១។
ក្នុងពេលរុះរើនោះ អាជ្ញាធរខណ្ឌដូនពេញ និងក្រុមហ៊ុនស៊ូកាគូ បានប្រើកម្លាំងប្រដាប់អាវុធប្រមាណ ១០០នាក់ ដើម្បីបង្ក្រាបរាល់ការតវ៉ាណាមួយពីប្រជាពលរដ្ឋនៅទីនោះ ព្រមទាំងក្រុមអ្នកកាសែតជាតិ និងអន្តរជាតិ ដែលបានថតរូបសកម្មភាពរុះរើផ្ទះទាំងនោះ។
អ្នកកាសែតវ័យក្មេងមួយរូបរងរបួសស្រាល នៅពេលនគរបាលច្រើននាក់របស់អាជ្ញាធរខណ្ឌដូនពេញ និងកម្លាំងប្រដាប់អាវុធការពារក្រុមហ៊ុនស៊ូកាគូ ឆក់យកម៉ាស៊ីនថតចំនួន ២គ្រឿង នាំឲ្យមានការប្រទាញប្រទង់គ្នានៅព្រឹកថ្ងៃសុក្រ ទី១៤ ខែមករា ឆ្នាំ២០១១។
លោក សុវណ្ណ ភីឡុង អ្នកថតរូបឲ្យកាសែតភ្នំពេញ ប៉ុស្តិ៍ (Phnom Penh Post) ដែលមានរបួសនៅផ្ទៃមុខ បានអះអាងថា គាត់បានថតយកសកម្មភាពនគរបាលដែលធ្វើការហ៊ុមព័ទ្ធផ្ទះប្រជាពលរដ្ឋភូមិ២៤ បឹងកក់ ក្រោយមកមានសកម្មភាពប្រទាញប្រទង់គ្នារវាងសមត្ថកិច្ច និងប្រជាពលរដ្ឋដែលមិនចង់ឲ្យកម្មកររុះផ្ទះគាត់ ហើយអ្នកកាសែតរូបនេះបានបន្តថតសកម្មភាពនោះទុកទៀត។ ពេលនោះស្រាប់តែគាត់ត្រូវជនស្លៀកពាក់ជាមន្ត្រីនគរបាលច្រើននាក់ បានប្រតាយឆក់យកម៉ាស៊ីនថតរូបពីគាត់ចំនួន ២គ្រឿងយកទៅបាត់។ នៅក្នុងការប្រតាយប្រតប់គ្នាភ្លាមៗនោះ បណ្ដាលឲ្យគាត់រងរបួសមានឈាមប្រឡាក់ផ្ទៃមុខ។
លោក សុវណ្ណ ភីឡុង បន្តថា ៖ «គេទាញម៉ូតូ ដោយសារប្រជាជនគាត់យកឈើ និងម៉ូតូរាំងអាផ្លូវចូលទៅ អ៊ីចឹងគាត់បានទាញបំបែកក្រុមចេញ ដល់ពេលអ៊ីចឹងខ្ញុំបានដើរចេញមកវិញ គេបានដេញ ឃាត់ខ្ញុំចាប់យកកាមេរ៉ា។ ប្រហែលជាបួនប្រាំនាក់មកដល់ទាញក្របួចកអាវ ហើយទាញកាមេរ៉ាចេញទៅ»។
សាក្សីឃើញហេតុការណ៍សមត្ថកិច្ចវាយដំអ្នកសារព័ត៌មានភ្នំពេញ ប៉ុស្តិ៍ បានអះអាងថា ៖ «ឃើញគាត់នៅថតនៅខាងលើហ្នឹង ដល់ហើយគេឲ្យទៅចាប់ៗគាត់មកវិញ ស្រាប់តែគាត់ចុះមកហ្នឹង គាត់ភ័យរត់មកហ្នឹងភ័យដល់ហើយ ស្រាប់តែគេចាប់ក្រៀកគាត់ជាប់យកក្របួចកអាវ»។
ប្រធានក្រុមនិពន្ធនាយកកាសែតភ្នំពេញ ប៉ុស្តិ៍ លោក បឺរនី លីអូ (Bernie Leo) បានថ្លែងថា បុគ្គលិករបស់លោកធ្វើការតាមវិជ្ជាជីវៈ។ ទង្វើរបស់មន្ត្រីមានសមត្ថកិច្ចដកយកម៉ាស៊ីនថត និងបង្ខំឲ្យលុបរូបដែលថតបាននោះ ស្ថាប័នកាសែតភ្នំពេញ ប៉ុស្តិ៍ មិនអាចទទួលយកបានឡើយ។
ក្រោយពីមានមន្រ្តីអង្គការសហប្រជាជាតិ ប្រធានស្ថាប័នកាសែតភ្នំពេញ ប៉ុស្តិ៍ និងមានអន្តរាគមន៍ពីក្លឹបអ្នកកាសែតផង បានជួបចរចាជាមួយមេដឹកនាំកម្លាំងមកបង្ក្រាបពលរដ្ឋនៅបឹងកក់ ដើម្បីយកម៉ាស៊ីនថតរូបមកវិញ។ នៅម៉ោងជាង ១១ថ្ងៃត្រង់ លោក សុវណ្ណ ភីឡុង អ្នកថតរូបឲ្យកាសែតភ្នំពេញ ប៉ុស្តិ៍ ត្រូវក្រុមហ៊ុនស៊ូកាគូ ឲ្យទៅយកម៉ាស៊ីនថតរូបនៅក្រុមហ៊ុននោះ។
លោក សុវណ្ណ ភីឡុង បានឲ្យដឹងថា មុនឲ្យម៉ាស៊ីនថតទាំង ២គ្រឿងមកវិញ ក្រុមហ៊ុននោះបានឲ្យគាត់លុបរូបថតបានទាំងប៉ុន្មានពីម៉ាស៊ីន ទើបឲ្យគាត់ផ្ដិតមេដៃទទួលយកម៉ាស៊ីនថតមកវិញ។
សមត្ថកិច្ចខណ្ឌដូនពេញ និងតំណាងក្រុមហ៊ុនស៊ូកាគូ ដែលអភិវឌ្ឍន៍បឹងកក់ មិនធ្វើការឆ្លើយតបជាមួយនឹងសំណួរអ្នកកាសែតឡើយ។
លិខិតពីសាលាខណ្ឌដូនពេញ លេខ ០៤៣ មានចុះហត្ថលេខាដោយអភិបាលខណ្ឌដូនពេញ កាលពីថ្ងៃ១៣ មករា ឆ្នាំ២០១១ បានជូនដំណឹងទៅលោក ឆេង ស្រ៊ាង ម្ចាស់ផ្ទះ ២០៥ លេខកូដ ៣៥៩ ស្ថិតក្នុងក្រុមទី៣០៣ ភូមិ២៤ សង្កាត់ស្រះចក ខណ្ឌដូនពេញ ប្រាប់ពីការចុះរុះផ្ទះនេះដែលមាន ១៩បន្ទប់ នៅថ្ងៃ១៤ ខែមករា ឆ្នាំ២០១១ ម៉ោង ៨ និង ៣០នាទីព្រឹក។
សកម្មភាពរុះរើផ្ទះប្រជាជនក្នុងទឹកនៅភូមិ២៤ តំបន់បឹងកក់ សង្កាត់ស្រះចក ខណ្ឌដូនពេញ បានរុះរើផ្ទះច្រើនខ្នង។ សរុបជនរងគ្រោះពេលរុះផ្ទះនៅថ្ងៃសុក្រ មានជិត ៣០គ្រួសារ ដែលរងគ្រោះខ្វះទីជម្រកនៅតំបន់បឹងកក់ ភូមិ២៤នោះ។
ស្រ្តីវ័យ ៦៥ឆ្នាំ ឈ្មោះ ឈៀង ច្រាយ ជាម្ចាស់ផ្ទះដែលត្រូវកម្មករកំពុងរុះរើ បានអះអាងថា គេរុះយកផ្ទះ គេមិនបានផ្តល់សំណងអ្វីទាំងអស់ ៖ «ជាការរំលោភប្លន់ផ្ទះអ្នកស្រុកតែម្តង ខ្ញុំអត់មានថាអីទេ ខ្ញុំថា មកប្លន់ផ្ទះអ្នកប្រជាជនតែម្តង»។
អ្នកស្រី លៀង ឃីម អាយុ ៤១ឆ្នាំ ផ្ទះគាត់គេរុះបាត់ដែរ កំពុងអង្គុយចាំទ្រព្យសម្បត្តិបានថ្លែងថា ៖ «ខែមុនខ្ញុំរត់ម៉ូតូឌុប ចោរប្លន់យកម៉ូតូ។ ខែ១នេះ ក្រុមហ៊ុនស៊ូកាគូ ប្លន់យកផ្ទះខ្ញុំ»។
យុវសិស្សថ្នាក់ទី១១ វិទ្យាល័យ ហ៊ុន សែន ប៊ុន រ៉ានី វត្តភ្នំ បានថ្លែងថា គេទំនងជាមិនបានទៅរៀនទៀតទេ ព្រោះតែផ្ទះត្រូវគេរុះយកអស់ មិនដឹងទៅជួលកន្លែងស្នាក់នៅឯណាទេ៕
2011-01-14
សមត្ថកិច្ចខណ្ឌដូនពេញ រាជធានីភ្នំពេញ និងក្រុមហ៊ុនស៊ូកាគូ អភិវឌ្ឍន៍បឹងកក បានប្រើកម្មករប្រមាណ ៥០នាក់ និងអូប័រ ២គ្រឿង បាននាំគ្នាសម្រុករុះរើផ្ទះប្រជាពលរដ្ឋនៅភូមិ២៤ ជាភូមិស្ថិតនៅលើផ្ទៃទឹកបឹងកក់ នៅព្រឹកថ្ងៃសុក្រ ទី១៤ មករា ឆ្នាំ២០១១។
ក្នុងពេលរុះរើនោះ អាជ្ញាធរខណ្ឌដូនពេញ និងក្រុមហ៊ុនស៊ូកាគូ បានប្រើកម្លាំងប្រដាប់អាវុធប្រមាណ ១០០នាក់ ដើម្បីបង្ក្រាបរាល់ការតវ៉ាណាមួយពីប្រជាពលរដ្ឋនៅទីនោះ ព្រមទាំងក្រុមអ្នកកាសែតជាតិ និងអន្តរជាតិ ដែលបានថតរូបសកម្មភាពរុះរើផ្ទះទាំងនោះ។
អ្នកកាសែតវ័យក្មេងមួយរូបរងរបួសស្រាល នៅពេលនគរបាលច្រើននាក់របស់អាជ្ញាធរខណ្ឌដូនពេញ និងកម្លាំងប្រដាប់អាវុធការពារក្រុមហ៊ុនស៊ូកាគូ ឆក់យកម៉ាស៊ីនថតចំនួន ២គ្រឿង នាំឲ្យមានការប្រទាញប្រទង់គ្នានៅព្រឹកថ្ងៃសុក្រ ទី១៤ ខែមករា ឆ្នាំ២០១១។
លោក សុវណ្ណ ភីឡុង អ្នកថតរូបឲ្យកាសែតភ្នំពេញ ប៉ុស្តិ៍ (Phnom Penh Post) ដែលមានរបួសនៅផ្ទៃមុខ បានអះអាងថា គាត់បានថតយកសកម្មភាពនគរបាលដែលធ្វើការហ៊ុមព័ទ្ធផ្ទះប្រជាពលរដ្ឋភូមិ២៤ បឹងកក់ ក្រោយមកមានសកម្មភាពប្រទាញប្រទង់គ្នារវាងសមត្ថកិច្ច និងប្រជាពលរដ្ឋដែលមិនចង់ឲ្យកម្មកររុះផ្ទះគាត់ ហើយអ្នកកាសែតរូបនេះបានបន្តថតសកម្មភាពនោះទុកទៀត។ ពេលនោះស្រាប់តែគាត់ត្រូវជនស្លៀកពាក់ជាមន្ត្រីនគរបាលច្រើននាក់ បានប្រតាយឆក់យកម៉ាស៊ីនថតរូបពីគាត់ចំនួន ២គ្រឿងយកទៅបាត់។ នៅក្នុងការប្រតាយប្រតប់គ្នាភ្លាមៗនោះ បណ្ដាលឲ្យគាត់រងរបួសមានឈាមប្រឡាក់ផ្ទៃមុខ។
លោក សុវណ្ណ ភីឡុង បន្តថា ៖ «គេទាញម៉ូតូ ដោយសារប្រជាជនគាត់យកឈើ និងម៉ូតូរាំងអាផ្លូវចូលទៅ អ៊ីចឹងគាត់បានទាញបំបែកក្រុមចេញ ដល់ពេលអ៊ីចឹងខ្ញុំបានដើរចេញមកវិញ គេបានដេញ ឃាត់ខ្ញុំចាប់យកកាមេរ៉ា។ ប្រហែលជាបួនប្រាំនាក់មកដល់ទាញក្របួចកអាវ ហើយទាញកាមេរ៉ាចេញទៅ»។
សាក្សីឃើញហេតុការណ៍សមត្ថកិច្ចវាយដំអ្នកសារព័ត៌មានភ្នំពេញ ប៉ុស្តិ៍ បានអះអាងថា ៖ «ឃើញគាត់នៅថតនៅខាងលើហ្នឹង ដល់ហើយគេឲ្យទៅចាប់ៗគាត់មកវិញ ស្រាប់តែគាត់ចុះមកហ្នឹង គាត់ភ័យរត់មកហ្នឹងភ័យដល់ហើយ ស្រាប់តែគេចាប់ក្រៀកគាត់ជាប់យកក្របួចកអាវ»។
ប្រធានក្រុមនិពន្ធនាយកកាសែតភ្នំពេញ ប៉ុស្តិ៍ លោក បឺរនី លីអូ (Bernie Leo) បានថ្លែងថា បុគ្គលិករបស់លោកធ្វើការតាមវិជ្ជាជីវៈ។ ទង្វើរបស់មន្ត្រីមានសមត្ថកិច្ចដកយកម៉ាស៊ីនថត និងបង្ខំឲ្យលុបរូបដែលថតបាននោះ ស្ថាប័នកាសែតភ្នំពេញ ប៉ុស្តិ៍ មិនអាចទទួលយកបានឡើយ។
ក្រោយពីមានមន្រ្តីអង្គការសហប្រជាជាតិ ប្រធានស្ថាប័នកាសែតភ្នំពេញ ប៉ុស្តិ៍ និងមានអន្តរាគមន៍ពីក្លឹបអ្នកកាសែតផង បានជួបចរចាជាមួយមេដឹកនាំកម្លាំងមកបង្ក្រាបពលរដ្ឋនៅបឹងកក់ ដើម្បីយកម៉ាស៊ីនថតរូបមកវិញ។ នៅម៉ោងជាង ១១ថ្ងៃត្រង់ លោក សុវណ្ណ ភីឡុង អ្នកថតរូបឲ្យកាសែតភ្នំពេញ ប៉ុស្តិ៍ ត្រូវក្រុមហ៊ុនស៊ូកាគូ ឲ្យទៅយកម៉ាស៊ីនថតរូបនៅក្រុមហ៊ុននោះ។
លោក សុវណ្ណ ភីឡុង បានឲ្យដឹងថា មុនឲ្យម៉ាស៊ីនថតទាំង ២គ្រឿងមកវិញ ក្រុមហ៊ុននោះបានឲ្យគាត់លុបរូបថតបានទាំងប៉ុន្មានពីម៉ាស៊ីន ទើបឲ្យគាត់ផ្ដិតមេដៃទទួលយកម៉ាស៊ីនថតមកវិញ។
សមត្ថកិច្ចខណ្ឌដូនពេញ និងតំណាងក្រុមហ៊ុនស៊ូកាគូ ដែលអភិវឌ្ឍន៍បឹងកក់ មិនធ្វើការឆ្លើយតបជាមួយនឹងសំណួរអ្នកកាសែតឡើយ។
លិខិតពីសាលាខណ្ឌដូនពេញ លេខ ០៤៣ មានចុះហត្ថលេខាដោយអភិបាលខណ្ឌដូនពេញ កាលពីថ្ងៃ១៣ មករា ឆ្នាំ២០១១ បានជូនដំណឹងទៅលោក ឆេង ស្រ៊ាង ម្ចាស់ផ្ទះ ២០៥ លេខកូដ ៣៥៩ ស្ថិតក្នុងក្រុមទី៣០៣ ភូមិ២៤ សង្កាត់ស្រះចក ខណ្ឌដូនពេញ ប្រាប់ពីការចុះរុះផ្ទះនេះដែលមាន ១៩បន្ទប់ នៅថ្ងៃ១៤ ខែមករា ឆ្នាំ២០១១ ម៉ោង ៨ និង ៣០នាទីព្រឹក។
សកម្មភាពរុះរើផ្ទះប្រជាជនក្នុងទឹកនៅភូមិ២៤ តំបន់បឹងកក់ សង្កាត់ស្រះចក ខណ្ឌដូនពេញ បានរុះរើផ្ទះច្រើនខ្នង។ សរុបជនរងគ្រោះពេលរុះផ្ទះនៅថ្ងៃសុក្រ មានជិត ៣០គ្រួសារ ដែលរងគ្រោះខ្វះទីជម្រកនៅតំបន់បឹងកក់ ភូមិ២៤នោះ។
ស្រ្តីវ័យ ៦៥ឆ្នាំ ឈ្មោះ ឈៀង ច្រាយ ជាម្ចាស់ផ្ទះដែលត្រូវកម្មករកំពុងរុះរើ បានអះអាងថា គេរុះយកផ្ទះ គេមិនបានផ្តល់សំណងអ្វីទាំងអស់ ៖ «ជាការរំលោភប្លន់ផ្ទះអ្នកស្រុកតែម្តង ខ្ញុំអត់មានថាអីទេ ខ្ញុំថា មកប្លន់ផ្ទះអ្នកប្រជាជនតែម្តង»។
អ្នកស្រី លៀង ឃីម អាយុ ៤១ឆ្នាំ ផ្ទះគាត់គេរុះបាត់ដែរ កំពុងអង្គុយចាំទ្រព្យសម្បត្តិបានថ្លែងថា ៖ «ខែមុនខ្ញុំរត់ម៉ូតូឌុប ចោរប្លន់យកម៉ូតូ។ ខែ១នេះ ក្រុមហ៊ុនស៊ូកាគូ ប្លន់យកផ្ទះខ្ញុំ»។
យុវសិស្សថ្នាក់ទី១១ វិទ្យាល័យ ហ៊ុន សែន ប៊ុន រ៉ានី វត្តភ្នំ បានថ្លែងថា គេទំនងជាមិនបានទៅរៀនទៀតទេ ព្រោះតែផ្ទះត្រូវគេរុះយកអស់ មិនដឹងទៅជួលកន្លែងស្នាក់នៅឯណាទេ៕
Wednesday, January 12, 2011
ក្រសួងមហាផ្ទៃឃាត់ខ្លួនឧត្ដមសេនីយ៍ឯក ម៉ឹក ដារ៉ា
ដោយ ដែន អយុធ្យា
2011-01-12
លោក ខៀវ សុភ័គ មន្ត្រីនាំពាក្យក្រសួងមហាផ្ទៃ មានប្រសាសន៍ឲ្យវិទ្យុអាស៊ីសេរី ដឹងតាមទូរស័ព្ទ នៅរសៀលថ្ងៃទី១២ ខែមករាថា សមត្ថកិច្ចនៃអគ្គស្នងការនគរបាលជាតិក្រសួងមហាផ្ទៃ បានសហការជាមួយអាជ្ញាធរនៃអង្គភាពប្រឆាំងអំពើពុករលួយ បានកោះហៅលោកឧត្ដមសេនីយ៍ឯក ម៉ឹក ដារ៉ា អគ្គលេខាធិការនៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿនញៀន និងជាប្រធានមន្ទីរប្រឆាំងគ្រឿងញៀនក្រសួងមហាផ្ទៃ និងប្រធានការិយាល័យប្រឆាំងគ្រឿងញៀនម្នាក់ទៅធ្វើការសាកសួរ។
ទោះយ៉ាងនេះក្ដី លោក ខៀវ សុភ័គ មិនបានបញ្ជាក់ច្បាស់ថា ការឃាត់ខ្លួនមន្ត្រីទទួលបន្ទុកគ្រឿងញៀនទាំងពីរនាក់ខាងលើ យកទៅសាកសួរទាក់ទងទៅនឹងបទសង្ស័យអ្វីឲ្យពិតប្រាកដនោះទេ។
លោក ខៀវ សុភ័គ បញ្ជាក់ឲ្យដឹងដូច្នេះ ៖ «រហូតមកដល់ពេលនេះ ខ្ញុំអាចជម្រាបជូនបានថា សមត្ថកិច្ចនៃអគ្គស្នងការដ្ឋាននគរបាលជាតិនៃក្រសួងមហាផ្ទៃ បានសហការជាមួយអង្គភាពប្រឆាំងអំពើពុករលួយ បានកោះអញ្ជើញឧត្ដមសេនីយ៍ឯក ម៉ឹក ដារ៉ា ដើម្បីធ្វើការសាកសួរព័ត៌មាន ហើយរហូតមកដល់ពេលនេះ លោកឧត្ដមសេនីយ៍ឯក ម៉ឹក ដារ៉ា ស្ថិតនៅក្រោមការឃុំគ្រប់គ្រង់របស់សមត្ថកិច្ចក្រសួងមហាផ្ទៃនៅឡើយ»។
ដែន អយុធ្យា ៖ ចោទប្រកាន់ពាក់ព័ន្ធនឹងបញ្ហាអីដែរ? ខៀវ សុភ័គ ៖ ខ្ញុំទុកពេលឲ្យជំនាញសមត្ថកិច្ចគេធ្វើការចុះ ខ្ញុំមានព័ត៌មានប៉ុណ្ណឹងជម្រាបជូន។
ទាក់ទងបញ្ហានេះ លោក ស៊ាន បូរ៉ាត់ អនុប្រធានអង្គភាពប្រឆាំងអំពើពុករលួយ បានបដិសេធមិនធ្វើអត្ថាធិប្បាយឡើយជុំវិញការឃាត់ខ្លួននាយឧត្ដមសេនីយ៍ឯកខាងលើនេះទេ ដោយគ្រាន់តែបញ្ជាក់ខ្លីថា ការចាប់ខ្លួនគឺជាប់ពាក់ព័ន្ធនឹងអំពើពុករលួយធ្ងន់ធ្ងរ។
លោក ស៊ាន បូរ៉ាត់ មានប្រសាសន៍បន្ថែមដូច្នេះ ៖ «ឥឡូវនេះគឺខ្ញុំអត់ទាន់ជម្រាបជូនមុនទេ ប៉ុន្តែឥឡូវនេះគឺយើងបានចាប់ជាបន្តបន្ទាប់ហើយ។ ឥឡូវនេះយើងកំពុងតែស្រាវជ្រាវបណ្តាញរបស់ពួកគេ»។
វិធានការនៃការចាប់ខ្លួនជនសង្ស័យប្រព្រឹត្តអំពើពុករលួយរដ្ឋាភិបាល ក៏ដូចជាស្ថាប័នអង្គភាពប្រឆាំងអំពើពុករលួយជាបន្តបន្ទាប់ ទទួលបានការសាទរពីមន្ត្រីសង្គមស៊ីវិល និងឥស្សរជននយោបាយមួយចំនួន។
លោក កឹម សុខា ប្រធានគណបក្សសិទ្ធិមនុស្ស មានប្រសាសន៍គាំទ្រចំពោះវិធានការក្តៅទៅលើជនសង្ស័យនៃបទល្មើសពុករលួយខាងលើ ប៉ុន្តែលោកចង់ឲ្យការចាត់វិធានការក្តៅនេះ ត្រូវមានសកម្មភាពជារៀងរហូត។
លោក កឹម សុខា មានប្រសាសន៍បន្ថែមដូច្នេះ ៖ «ខ្ញុំស្វាគមន៍នូវការអនុវត្តរបស់រដ្ឋាភិបាល ហើយយើងគិតថា ការអនុវត្តនេះគឺមានច្រើនតទៅទៀត មិនមែនមានតែប៉ុណ្ណឹងនាក់នោះទេ គឺមានមនុស្សជាច្រើនទៀតដែលជាប់ពាក់ព័ន្ធរឿងហ្នឹងអនុវត្តឲ្យមានសមធម៌ឲ្យមានតម្លាភាព»។
ទាក់ទងបញ្ហានេះ លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ បានថ្លែងដោយចង់ឃើញចំណាត់ការតាមផ្លូវច្បាប់របស់សមត្ថកិច្ចរដ្ឋាភិបាល ក៏ដូចជាសមត្ថកិច្ចស្ថាប័នប្រឆាំងអំពើពុករលួយត្រូវហ៊ានចាត់ការទៅលើមន្ត្រីមានតួនាទីធំៗក្នុងជួររដ្ឋាភិបាល និងត្រូវបន្តសកម្មភាពរបស់ខ្លួនជារហូត ដោយមិនត្រូវធ្វើសកម្មភាពឲ្យតែល្អមើលនោះទេ ៖ «យើងគិតថា អ្នកដែលជួញដូរគ្រឿងញៀននឹងនៅមានច្រើនទៀត»។
លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាមន្ត្រីនាំពាក្យរដ្ឋាភិបាលកម្ពុជា មានប្រសាសន៍ថា ចាប់តាំងពីស្ថាប័នអង្គភាពប្រឆាំងអំពើពុករលួយ ចាប់ផ្ដើមអនុវត្តច្បាប់ពុករលួយ គឺមានមន្ត្រីពុករលួយមួយចំនួនត្រូវបានអាជ្ញាធរឃាត់ខ្លួនមកសាកសួរ និងបានរៀបចំឯកសារបញ្ជូនខ្លួនទៅតុលាការ ដើម្បីផ្ដន្ទាទោស។
លោក ខៀវ កាញារីទ្ធ មានប្រសាសន៍បន្ថែមដូច្នេះ ៖ «ដូចយើងឃើញហើយ គ្រាន់តែការដករឿងពោធិ៍សាត់មួយ ប្រជាជនៗគេអរសម្បើមណាស់! ឥឡូវខេត្តបន្ទាយមានជ័យ មួយទៀត តទៅទៀតអ្នករត់ពន្ធឈើឧទាហរណ៍ អ្នករត់ពន្ធសត្វព្រៃ សុទ្ធតែរឿងធំៗដែលយើងត្រូវការ បើយើងមិនដកចេញមិនបានទេ»។
មន្ត្រីជាន់ខ្ពស់នៃអង្គភាពប្រឆាំងអំពើពុករលួយ បានអះអាងថា អង្គភាពនេះកំពុងពិនិត្យមើលបណ្តឹងជុំវិញករណីបទល្មើសពុករលួយទៅលើមន្ទីរជាន់ខ្ពស់ក្នុងជួររដ្ឋាភិបាលជាច្រើនទៀត ប៉ុន្តែលោកមិនបានបញ្ជាក់ច្បាស់ថា សំណុំរឿងពុករលួយមានប៉ុន្មានករណីនោះទេ៕
2011-01-12
លោក ខៀវ សុភ័គ មន្ត្រីនាំពាក្យក្រសួងមហាផ្ទៃ មានប្រសាសន៍ឲ្យវិទ្យុអាស៊ីសេរី ដឹងតាមទូរស័ព្ទ នៅរសៀលថ្ងៃទី១២ ខែមករាថា សមត្ថកិច្ចនៃអគ្គស្នងការនគរបាលជាតិក្រសួងមហាផ្ទៃ បានសហការជាមួយអាជ្ញាធរនៃអង្គភាពប្រឆាំងអំពើពុករលួយ បានកោះហៅលោកឧត្ដមសេនីយ៍ឯក ម៉ឹក ដារ៉ា អគ្គលេខាធិការនៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿនញៀន និងជាប្រធានមន្ទីរប្រឆាំងគ្រឿងញៀនក្រសួងមហាផ្ទៃ និងប្រធានការិយាល័យប្រឆាំងគ្រឿងញៀនម្នាក់ទៅធ្វើការសាកសួរ។
ទោះយ៉ាងនេះក្ដី លោក ខៀវ សុភ័គ មិនបានបញ្ជាក់ច្បាស់ថា ការឃាត់ខ្លួនមន្ត្រីទទួលបន្ទុកគ្រឿងញៀនទាំងពីរនាក់ខាងលើ យកទៅសាកសួរទាក់ទងទៅនឹងបទសង្ស័យអ្វីឲ្យពិតប្រាកដនោះទេ។
លោក ខៀវ សុភ័គ បញ្ជាក់ឲ្យដឹងដូច្នេះ ៖ «រហូតមកដល់ពេលនេះ ខ្ញុំអាចជម្រាបជូនបានថា សមត្ថកិច្ចនៃអគ្គស្នងការដ្ឋាននគរបាលជាតិនៃក្រសួងមហាផ្ទៃ បានសហការជាមួយអង្គភាពប្រឆាំងអំពើពុករលួយ បានកោះអញ្ជើញឧត្ដមសេនីយ៍ឯក ម៉ឹក ដារ៉ា ដើម្បីធ្វើការសាកសួរព័ត៌មាន ហើយរហូតមកដល់ពេលនេះ លោកឧត្ដមសេនីយ៍ឯក ម៉ឹក ដារ៉ា ស្ថិតនៅក្រោមការឃុំគ្រប់គ្រង់របស់សមត្ថកិច្ចក្រសួងមហាផ្ទៃនៅឡើយ»។
ដែន អយុធ្យា ៖ ចោទប្រកាន់ពាក់ព័ន្ធនឹងបញ្ហាអីដែរ? ខៀវ សុភ័គ ៖ ខ្ញុំទុកពេលឲ្យជំនាញសមត្ថកិច្ចគេធ្វើការចុះ ខ្ញុំមានព័ត៌មានប៉ុណ្ណឹងជម្រាបជូន។
ទាក់ទងបញ្ហានេះ លោក ស៊ាន បូរ៉ាត់ អនុប្រធានអង្គភាពប្រឆាំងអំពើពុករលួយ បានបដិសេធមិនធ្វើអត្ថាធិប្បាយឡើយជុំវិញការឃាត់ខ្លួននាយឧត្ដមសេនីយ៍ឯកខាងលើនេះទេ ដោយគ្រាន់តែបញ្ជាក់ខ្លីថា ការចាប់ខ្លួនគឺជាប់ពាក់ព័ន្ធនឹងអំពើពុករលួយធ្ងន់ធ្ងរ។
លោក ស៊ាន បូរ៉ាត់ មានប្រសាសន៍បន្ថែមដូច្នេះ ៖ «ឥឡូវនេះគឺខ្ញុំអត់ទាន់ជម្រាបជូនមុនទេ ប៉ុន្តែឥឡូវនេះគឺយើងបានចាប់ជាបន្តបន្ទាប់ហើយ។ ឥឡូវនេះយើងកំពុងតែស្រាវជ្រាវបណ្តាញរបស់ពួកគេ»។
វិធានការនៃការចាប់ខ្លួនជនសង្ស័យប្រព្រឹត្តអំពើពុករលួយរដ្ឋាភិបាល ក៏ដូចជាស្ថាប័នអង្គភាពប្រឆាំងអំពើពុករលួយជាបន្តបន្ទាប់ ទទួលបានការសាទរពីមន្ត្រីសង្គមស៊ីវិល និងឥស្សរជននយោបាយមួយចំនួន។
លោក កឹម សុខា ប្រធានគណបក្សសិទ្ធិមនុស្ស មានប្រសាសន៍គាំទ្រចំពោះវិធានការក្តៅទៅលើជនសង្ស័យនៃបទល្មើសពុករលួយខាងលើ ប៉ុន្តែលោកចង់ឲ្យការចាត់វិធានការក្តៅនេះ ត្រូវមានសកម្មភាពជារៀងរហូត។
លោក កឹម សុខា មានប្រសាសន៍បន្ថែមដូច្នេះ ៖ «ខ្ញុំស្វាគមន៍នូវការអនុវត្តរបស់រដ្ឋាភិបាល ហើយយើងគិតថា ការអនុវត្តនេះគឺមានច្រើនតទៅទៀត មិនមែនមានតែប៉ុណ្ណឹងនាក់នោះទេ គឺមានមនុស្សជាច្រើនទៀតដែលជាប់ពាក់ព័ន្ធរឿងហ្នឹងអនុវត្តឲ្យមានសមធម៌ឲ្យមានតម្លាភាព»។
ទាក់ទងបញ្ហានេះ លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ បានថ្លែងដោយចង់ឃើញចំណាត់ការតាមផ្លូវច្បាប់របស់សមត្ថកិច្ចរដ្ឋាភិបាល ក៏ដូចជាសមត្ថកិច្ចស្ថាប័នប្រឆាំងអំពើពុករលួយត្រូវហ៊ានចាត់ការទៅលើមន្ត្រីមានតួនាទីធំៗក្នុងជួររដ្ឋាភិបាល និងត្រូវបន្តសកម្មភាពរបស់ខ្លួនជារហូត ដោយមិនត្រូវធ្វើសកម្មភាពឲ្យតែល្អមើលនោះទេ ៖ «យើងគិតថា អ្នកដែលជួញដូរគ្រឿងញៀននឹងនៅមានច្រើនទៀត»។
លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាមន្ត្រីនាំពាក្យរដ្ឋាភិបាលកម្ពុជា មានប្រសាសន៍ថា ចាប់តាំងពីស្ថាប័នអង្គភាពប្រឆាំងអំពើពុករលួយ ចាប់ផ្ដើមអនុវត្តច្បាប់ពុករលួយ គឺមានមន្ត្រីពុករលួយមួយចំនួនត្រូវបានអាជ្ញាធរឃាត់ខ្លួនមកសាកសួរ និងបានរៀបចំឯកសារបញ្ជូនខ្លួនទៅតុលាការ ដើម្បីផ្ដន្ទាទោស។
លោក ខៀវ កាញារីទ្ធ មានប្រសាសន៍បន្ថែមដូច្នេះ ៖ «ដូចយើងឃើញហើយ គ្រាន់តែការដករឿងពោធិ៍សាត់មួយ ប្រជាជនៗគេអរសម្បើមណាស់! ឥឡូវខេត្តបន្ទាយមានជ័យ មួយទៀត តទៅទៀតអ្នករត់ពន្ធឈើឧទាហរណ៍ អ្នករត់ពន្ធសត្វព្រៃ សុទ្ធតែរឿងធំៗដែលយើងត្រូវការ បើយើងមិនដកចេញមិនបានទេ»។
មន្ត្រីជាន់ខ្ពស់នៃអង្គភាពប្រឆាំងអំពើពុករលួយ បានអះអាងថា អង្គភាពនេះកំពុងពិនិត្យមើលបណ្តឹងជុំវិញករណីបទល្មើសពុករលួយទៅលើមន្ទីរជាន់ខ្ពស់ក្នុងជួររដ្ឋាភិបាលជាច្រើនទៀត ប៉ុន្តែលោកមិនបានបញ្ជាក់ច្បាស់ថា សំណុំរឿងពុករលួយមានប៉ុន្មានករណីនោះទេ៕
Tuesday, January 11, 2011
ហ៊ុន សែន គំរាមចាប់ខ្លួនអ្នកប្រមាថមន្ត្រីរដ្ឋាភិបាលថាក្បត់ជាតិ
លោកនាយករដ្ឋមន្ត្រី ហ៊ុន សែន បានប្រកាសព្រមានទៅដល់អ្នករិះគន់ និងជេរប្រមាថមន្ត្រីរដ្ឋាភិបាលជាន់ខ្ពស់ថា ឲ្យឈប់រិះគន់ជាបន្ទាន់ បើមិនដូច្នោះទេ អ្នកទាំងនោះត្រូវឈមនឹងការចាប់ខ្លួន ទោះបីជាអ្នកនោះជាតំណាងរាស្ត្រមានអភ័យឯកសិទ្ធិក៏ដោយ។
លោកនាយករដ្ឋមន្ត្រី ហ៊ុន សែន បានប្រកាសព្រមានដូច្នេះ នៅក្នុងឱកាសចែកសញ្ញាបត្រដល់និស្សិតនៅឯវិទ្យាស្ថានជាតិអប់រំ រាជធានីភ្នំពេញ នៅថ្ងៃច័ន្ទ ទី១០ ខែមករា។
លោកនាយករដ្ឋមន្ត្រី ហ៊ុន សែន បានអះអាងថា ថ្វីត្បិតតែកម្ពុជា មានគណបក្សច្រើនចូលរួមប្រកួតប្រជែងធ្វើការបោះឆ្នោតក្ដី ប៉ុន្តែការលាបពណ៌ណាមួយទៅលើឥស្សរជនជាន់ខ្ពស់រដ្ឋាភិបាលនោះ មិនអនុញ្ញាតបាននោះឡើយ ៖ «កុំថាឡើយមានអភ័យឯកសិទ្ធិ ឪអភ័យឯកសិទ្ធិក៏ត្រូវដាក់សិនដែរ ផ្ដាំឲ្យហើយ! ជេរអីជេរចុះ ជេរ ៧ មករា ជេរចុះ ប៉ុន្តែកុំជេរថា អាក្បត់ជាតិ ក្នុងឋានៈជាអ្នកជាប់ឆ្នោតមានសំឡេងបោះឆ្នោតជួនពីប្រជាពលរដ្ឋ អ៊ីចឹងគេត្រូវតែធ្វើ អ្នកដទៃកុំលូកលាន់ បរទេសកុំលូកលាន់។ តើនាយករដ្ឋមន្ត្រីប្រទេសក្រៅ អនុញ្ញាតឲ្យគេជេរថា ក្បត់ជាតិទេ? ប្រធានាធិបតីនៅលើពិភពលោក អនុញ្ញាតឲ្យគេជេរថា អាក្បត់ជាតិទេ? សុំផ្ដាំទុកឲ្យហើយ ក្រែងលោវាមានរឿងហ្នឹងកើតឡើង»។
ទោះយ៉ាងនេះក្ដី មន្ត្រីជាន់ខ្ពស់នៃគណបក្ស សម រង្ស៊ី និងជាអ្នកតំណាងរាស្ត្រ លោកស្រី មូរ សុខហួរ បានមានប្រតិកម្មថា លោក ហ៊ុន សែន កំពុងតែធ្វើការគាបសង្កត់ទៅលើសិទ្ធិសេរីភាពបញ្ចេញមតិជាថ្មីម្ដងទៀត។ ប៉ុន្តែលោកស្រីអះអាងថា គណបក្ស សម រង្ស៊ី មិនភ្ញាក់ផ្អើល និងភ័យខ្លាចចំពោះការព្រមាននេះឡើយ។
លោកស្រី មូរ សុខហួរ បន្ថែមថា ៖ «អ្នកដែលគេនិយាយ គេហ៊ានទទួលខុសត្រូវ គេមានហេតុគេមានផលក្នុងការនិយាយ ហើយអ្នកទាំងនោះខ្ញុំជឿថា គេហ៊ានប្រឈមមុខនឹងប្រវត្តិសាស្ត្រ ដូច្នេះខ្ញុំមិនយល់ឃើញថា ការបញ្ឈប់របៀបនេះ ថាអាចមានយុត្តិធម៌នៅក្នុងការបញ្ចេញមតិរបស់អ្នកដែលគេហ៊ានបញ្ចេញមតិទេ។ បើសិនជាប្រព័ន្ធតុលាការនៅកម្ពុជា ជាប្រព័ន្ធតុលាការឯករាជ្យពិតប្រាកដ ខ្ញុំយល់ឃើញថា មិនមានការព្រមានទេ»។
កាលទី១៨ ខែធ្នូ ឆ្នាំ២០១០ កន្លងទៅ លោក សេង គុណការ ជាប្រធានសន្តិសុខឃ្លាំងអង្ករនៃអង្គការស្បៀងអាហារពិភពលោក ត្រូវបានសមត្ថកិច្ចនគរបាលខណ្ឌឫស្សីកែវ ចាប់ខ្លួន ហើយបញ្ជូនមកសាលាដំបូងរាជធានីភ្នំពេញ ជាបន្ទាន់ នៅរសៀលថ្ងៃដដែល ដើម្បីបើកសវនាការបឋមមួយភ្លាមៗ ទាក់ទងនឹងការចែកចាយអត្ថបទរិះគន់មន្ត្រីជាន់ខ្ពស់រដ្ឋាភិបាល ពាក់ព័ន្ធបញ្ហាព្រំដែនកម្ពុជា-វៀតណាម ដែលលោកចម្លងចេញពីគេហទំព័រមួយឈ្មោះ ខេ.អៃ មេឌា (KI-Media) ហើយកាលពីថ្ងៃអាទិត្យ ទី១៩ ខែធ្នូ ឆ្នាំ២០១០ លោក សេង គុណការ ត្រូវសាលាដំបូងរាជធានីភ្នំពេញ ប្រកាសសាលក្រមផ្ដន្ទាទោសឲ្យជាប់គុក ៦ខែ និងផាកពិន័យជាទឹកប្រាក់ចំនួនមួយលានរៀល ដោយយោងទៅលើច្បាប់ក្រមព្រហ្មទណ្ឌថ្មី មាត្រា៤៩៤ និង ៤៩៥ ពីបទបានញុះញង់បង្កឲ្យមានបទឧក្រិដ្ឋ។
ក្រោយពីតុលាការបានផ្ដន្ទាទោសលោក សេង គុណការ និងសារព្រមានរបស់រដ្ឋាភិបាលនេះ ត្រូវបានសកម្មជនសិទ្ធិមនុស្ស និងមន្ត្រីបក្សប្រឆាំង បានចាត់ទុកថា រដ្ឋាភិបាលកំពុងប្រើប្រាស់ច្បាប់ក្រមព្រហ្មទណ្ឌថ្មី និងប្រព័ន្ធតុលាការជាបង្អែក ក្នុងការដាក់ទោសទៅលើអ្នកដែលរិះគន់រដ្ឋាភិបាលក្នុងន័យស្ថាបនាប្រទេសជាតិ៕
លោកនាយករដ្ឋមន្ត្រី ហ៊ុន សែន បានប្រកាសព្រមានដូច្នេះ នៅក្នុងឱកាសចែកសញ្ញាបត្រដល់និស្សិតនៅឯវិទ្យាស្ថានជាតិអប់រំ រាជធានីភ្នំពេញ នៅថ្ងៃច័ន្ទ ទី១០ ខែមករា។
លោកនាយករដ្ឋមន្ត្រី ហ៊ុន សែន បានអះអាងថា ថ្វីត្បិតតែកម្ពុជា មានគណបក្សច្រើនចូលរួមប្រកួតប្រជែងធ្វើការបោះឆ្នោតក្ដី ប៉ុន្តែការលាបពណ៌ណាមួយទៅលើឥស្សរជនជាន់ខ្ពស់រដ្ឋាភិបាលនោះ មិនអនុញ្ញាតបាននោះឡើយ ៖ «កុំថាឡើយមានអភ័យឯកសិទ្ធិ ឪអភ័យឯកសិទ្ធិក៏ត្រូវដាក់សិនដែរ ផ្ដាំឲ្យហើយ! ជេរអីជេរចុះ ជេរ ៧ មករា ជេរចុះ ប៉ុន្តែកុំជេរថា អាក្បត់ជាតិ ក្នុងឋានៈជាអ្នកជាប់ឆ្នោតមានសំឡេងបោះឆ្នោតជួនពីប្រជាពលរដ្ឋ អ៊ីចឹងគេត្រូវតែធ្វើ អ្នកដទៃកុំលូកលាន់ បរទេសកុំលូកលាន់។ តើនាយករដ្ឋមន្ត្រីប្រទេសក្រៅ អនុញ្ញាតឲ្យគេជេរថា ក្បត់ជាតិទេ? ប្រធានាធិបតីនៅលើពិភពលោក អនុញ្ញាតឲ្យគេជេរថា អាក្បត់ជាតិទេ? សុំផ្ដាំទុកឲ្យហើយ ក្រែងលោវាមានរឿងហ្នឹងកើតឡើង»។
ទោះយ៉ាងនេះក្ដី មន្ត្រីជាន់ខ្ពស់នៃគណបក្ស សម រង្ស៊ី និងជាអ្នកតំណាងរាស្ត្រ លោកស្រី មូរ សុខហួរ បានមានប្រតិកម្មថា លោក ហ៊ុន សែន កំពុងតែធ្វើការគាបសង្កត់ទៅលើសិទ្ធិសេរីភាពបញ្ចេញមតិជាថ្មីម្ដងទៀត។ ប៉ុន្តែលោកស្រីអះអាងថា គណបក្ស សម រង្ស៊ី មិនភ្ញាក់ផ្អើល និងភ័យខ្លាចចំពោះការព្រមាននេះឡើយ។
លោកស្រី មូរ សុខហួរ បន្ថែមថា ៖ «អ្នកដែលគេនិយាយ គេហ៊ានទទួលខុសត្រូវ គេមានហេតុគេមានផលក្នុងការនិយាយ ហើយអ្នកទាំងនោះខ្ញុំជឿថា គេហ៊ានប្រឈមមុខនឹងប្រវត្តិសាស្ត្រ ដូច្នេះខ្ញុំមិនយល់ឃើញថា ការបញ្ឈប់របៀបនេះ ថាអាចមានយុត្តិធម៌នៅក្នុងការបញ្ចេញមតិរបស់អ្នកដែលគេហ៊ានបញ្ចេញមតិទេ។ បើសិនជាប្រព័ន្ធតុលាការនៅកម្ពុជា ជាប្រព័ន្ធតុលាការឯករាជ្យពិតប្រាកដ ខ្ញុំយល់ឃើញថា មិនមានការព្រមានទេ»។
កាលទី១៨ ខែធ្នូ ឆ្នាំ២០១០ កន្លងទៅ លោក សេង គុណការ ជាប្រធានសន្តិសុខឃ្លាំងអង្ករនៃអង្គការស្បៀងអាហារពិភពលោក ត្រូវបានសមត្ថកិច្ចនគរបាលខណ្ឌឫស្សីកែវ ចាប់ខ្លួន ហើយបញ្ជូនមកសាលាដំបូងរាជធានីភ្នំពេញ ជាបន្ទាន់ នៅរសៀលថ្ងៃដដែល ដើម្បីបើកសវនាការបឋមមួយភ្លាមៗ ទាក់ទងនឹងការចែកចាយអត្ថបទរិះគន់មន្ត្រីជាន់ខ្ពស់រដ្ឋាភិបាល ពាក់ព័ន្ធបញ្ហាព្រំដែនកម្ពុជា-វៀតណាម ដែលលោកចម្លងចេញពីគេហទំព័រមួយឈ្មោះ ខេ.អៃ មេឌា (KI-Media) ហើយកាលពីថ្ងៃអាទិត្យ ទី១៩ ខែធ្នូ ឆ្នាំ២០១០ លោក សេង គុណការ ត្រូវសាលាដំបូងរាជធានីភ្នំពេញ ប្រកាសសាលក្រមផ្ដន្ទាទោសឲ្យជាប់គុក ៦ខែ និងផាកពិន័យជាទឹកប្រាក់ចំនួនមួយលានរៀល ដោយយោងទៅលើច្បាប់ក្រមព្រហ្មទណ្ឌថ្មី មាត្រា៤៩៤ និង ៤៩៥ ពីបទបានញុះញង់បង្កឲ្យមានបទឧក្រិដ្ឋ។
ក្រោយពីតុលាការបានផ្ដន្ទាទោសលោក សេង គុណការ និងសារព្រមានរបស់រដ្ឋាភិបាលនេះ ត្រូវបានសកម្មជនសិទ្ធិមនុស្ស និងមន្ត្រីបក្សប្រឆាំង បានចាត់ទុកថា រដ្ឋាភិបាលកំពុងប្រើប្រាស់ច្បាប់ក្រមព្រហ្មទណ្ឌថ្មី និងប្រព័ន្ធតុលាការជាបង្អែក ក្នុងការដាក់ទោសទៅលើអ្នកដែលរិះគន់រដ្ឋាភិបាលក្នុងន័យស្ថាបនាប្រទេសជាតិ៕
Friday, January 7, 2011
ប៉ូលិសវៀតណាមប្រើអំពើហិង្សាទៅលើអ្នកការទូតអាមេរិក
វិទ្យុអាស៊ីសេរីបានទទួលព័ត៌មានពីទីក្រុងហាណូយ (Ha Noi) ប្រទេសវៀតណាម នៅថ្ងៃព្រហស្បតិ៍ ទី៦ មករា ថាអ្នកការទូតអាមេរិកាំងម្នាក់ បម្រើការនៅស្ថានទូតសហរដ្ឋអាមេរិក នៅវៀតណាម ទទួលរងការប្រតាយប្រតប់ អូសទាញ ផ្ដួលទៅដី ហើយចាប់ដាក់ក្នុងឡាន ពីសំណាក់នគរបាលវៀតណាម។
ហេតុការណ៍នេះកើតឡើងក្នុងពេលដែលអ្នកការទូតអាមេរិកាំងព្យាយាមចង់ជួបជាមួយនឹងសកម្មជនការពារសិទ្ធិមនុស្សវៀតណាម គឺអាចារ្យគ្រិស្តសាសនាខាងនិកាយកាតូលិក លោក ង្វៀន វ៉ាន់ លី (Nguyen Van Ly) ខាងក្រៅផ្ទះរបស់គាត់ នាទីក្រុងវ៉េ (Hue)។
អ្នករងគ្រោះគឺលោក Christian Marchant ជានាយផ្នែកខាងកិច្ចការនយោបាយប្រចាំស្ថានទូត ស.រ.អា នៅប្រទេសវៀតណាម នាទីក្រុងហាណូយ។ ក្រសួងការបរទេស ស.រ.អា បានធ្វើការតវ៉ាជាផ្លូវការ តាមផ្លូវទូត ដោយលើកយកលក្ខខណ្ឌនៃអនុសញ្ញាក្រុងវីយ៉ែនណា (Vienna) ស្ដីអំពីពិធីការការទូត ដែលថាគ្រប់រដ្ឋាភិបាលទទួលខុសត្រូវ និងប្រតិបត្តិតាមជាដាច់ខាត ដើម្បីធានាសន្តិសុខ និងសុវត្ថិភាពបុគ្គលិកការទូត។
អ្នកនាំពាក្យក្រសួងការបរទេសវៀតណាម អ្នកស្រី ង្វៀន ភឿង ង៉ា (Nguyen Phuong Nga) សន្យាថានឹងពិនិត្យមើលករណីនេះ តែថា មន្ត្រីការទូតនានា ក៏មានភារកិច្ចគោរពច្បាប់ប្រទេសដែលគេស្នាក់នៅ និងបំពេញការងារផងដែរ៕
ហេតុការណ៍នេះកើតឡើងក្នុងពេលដែលអ្នកការទូតអាមេរិកាំងព្យាយាមចង់ជួបជាមួយនឹងសកម្មជនការពារសិទ្ធិមនុស្សវៀតណាម គឺអាចារ្យគ្រិស្តសាសនាខាងនិកាយកាតូលិក លោក ង្វៀន វ៉ាន់ លី (Nguyen Van Ly) ខាងក្រៅផ្ទះរបស់គាត់ នាទីក្រុងវ៉េ (Hue)។
អ្នករងគ្រោះគឺលោក Christian Marchant ជានាយផ្នែកខាងកិច្ចការនយោបាយប្រចាំស្ថានទូត ស.រ.អា នៅប្រទេសវៀតណាម នាទីក្រុងហាណូយ។ ក្រសួងការបរទេស ស.រ.អា បានធ្វើការតវ៉ាជាផ្លូវការ តាមផ្លូវទូត ដោយលើកយកលក្ខខណ្ឌនៃអនុសញ្ញាក្រុងវីយ៉ែនណា (Vienna) ស្ដីអំពីពិធីការការទូត ដែលថាគ្រប់រដ្ឋាភិបាលទទួលខុសត្រូវ និងប្រតិបត្តិតាមជាដាច់ខាត ដើម្បីធានាសន្តិសុខ និងសុវត្ថិភាពបុគ្គលិកការទូត។
អ្នកនាំពាក្យក្រសួងការបរទេសវៀតណាម អ្នកស្រី ង្វៀន ភឿង ង៉ា (Nguyen Phuong Nga) សន្យាថានឹងពិនិត្យមើលករណីនេះ តែថា មន្ត្រីការទូតនានា ក៏មានភារកិច្ចគោរពច្បាប់ប្រទេសដែលគេស្នាក់នៅ និងបំពេញការងារផងដែរ៕
Subscribe to:
Posts (Atom)